ग्लोबल आइएमइ बैंकलाई एमाले अदानचुलीको ध्यानाकर्षणः 'सेवाग्राहीलाई माग बमोजिम भुक्तानीको व्यवस्था गर'

सिमकोट । नेकपा (एमाले) अदानचुली गाउँकमीटीले ग्लोबल आईएमीई बैक अदानचुली शाखालाई ग्राहकले चाहे बमोजिमको रकम भुक्तानी गर्न आग्रह गरेको छ । 

सत्तारुढ दल एमालेले अदानचुलीले बिहिबार ध्यानाकर्षण पत्र मार्फत बैंकको शाखालाई यस्तो आग्रह गरेको छ । बुधबार गाउँ कमिटिको बैठकमा बैंकको भुक्तानी प्रक्रिया र ग्राहले मागे बमोजिम रकम नदिने समस्या उठेपछि ध्यानाकर्षणपत्र मार्फत बैंकलाई हाग्रह गरेको छ । 

बैंकसँग सम्बन्धित विभिन्न ४ मागहरु राख्दै एमाले गाउँ कमिटिले पछिल्लो समय सामाजिक सुरक्षा भक्ता बुझ्न जाने सेवाग्राहीले ठूलो लाइनमा बस्नु पर्ने, माग बमोजिम रकम भुक्तानी नहुने समस्यालाई यथासकय समाधान गर्न आग्रह  गरेको छ । 

हुम्लाको अदानचुली जस्तो दुर्गम क्षेत्रमा बैंकको शाखा खोलेर दिएको सेवाको प्रसंशा गर्दै एमालेले स्थानीयले खाता खोल्न, रकम निकासा गर्न खेप्नु परेको हैरानीलाई कम गर्न यथासक्य पहल गरोस भन्दैं ध्यानाकर्षण पत्र बुझाएको एमाले अदानचुलीका अध्यक्ष बुधे भण्डारीले जानकारी दिए ।