नेकपा हुम्लाको बैठक स्थगित

जेठ २७, सिमकोट । नेपाल कम्यूनिष्ट पार्टी (नेकपा) हुम्ला जिल्ला कमिटिको पहिलो बैठक आयोजना गरेको एक दिनमै स्थगित भएको छ ।

कर्णाली प्रदेशको दोस्रो पूर्ण बैठकबाट समायोजन गरिएको जिल्ला कमिटिको पूर्ण बैठक आगामी असार ३ गते बस्ने निर्णय गरिएको एक दिनमै बैठक स्थगित भएको बताइएको छ । प्रदेशका नेताहरुको सल्लाहमा आयोजना गरिएको बैठक प्रदेशकै नेताहरुको कार्य व्यस्तताका कारण स्थगित गरिएको छ नेकपाका अध्यक्ष लालकेश जैशीले भने, “बैठकमा प्रदेश ईन्चार्ज, सहइन्चार्ज, अध्यक्ष र सचिव लगायत कर्णाली प्रदेशका मूख्य मन्त्रीको मिेत उपस्थित नहुने भएपछि तत्कालका लागि बैठक स्थथिगत भएको हो ।” असार ३ गते स्थगित भएको पहिलो बैठक अगामी असार ७ गते बस्ने अध्यक्ष जैशीले पुष्टि गरे ।