सिमकोटका मासु पसलको अनुगमन

सिमकोट । दशैंको मुखमा हुम्ला सदरमुकाम सिमकोट बजारमा भएका मासु पसलको अनुगमन गरिएको छ । उ

जिल्लाका पभोक्ताहरुलाई स्वच्छ मासु बिक्री वितरणकका लागि जिल्ला प्रशासन कार्यालयमार्फत बजारको अनुगमन गरिएको हो । 

आज (आईतबार) बिहान सहायक प्रमुख जिल्ला अधिकारी अमृत सुवेदीको नेतृत्वमा मासु पसलको अनुगमन गरिएको हो । सिमकोट बजारमा रहेका मासु पसलमा अनुगमन गर्दा ब्यापारीले पसलको सरसफाईमा ध्यान नदिएको बताइएको छ ।  मासु पसलको अनुगमनका क्रममा दिईएका सल्लाहमा  बर्गिकरण अनुसार मासुको रेट नराखेको पाईएको थियो । अनुगमनकै क्रममा मासु पसलको साईनबोट समेत नराखेको  पाईएको टोलीका प्रमुख सहायक प्रमुख जिल्ला अधिकारी सुवेदीले जानकारी दिनुभयो । 
 
'पसलहरुमा सरसफाईलाई ध्यान नदिएको पाइयो । हामीले त्यसमा ध्यान दिन सुझाव दिएका छौं', सहायक प्रमुख जिल्लाअ धिकारी सुवेदीले भन्नुभयो, 'सबै पसललाई बजार मूल्य अनुसारको मूल्य सूचि समेत देखिने स्थानमा टाँसन टोलीको तर्फबाट सुझाव दिने काम भएको छ ।' 

 अहिले सिमकोट बजारका रविन स्वच्छ मासु पसल, बिद्यामिट कटिङ सेन्टर, रावत स्वच्छ मासु पसलले मासु बिक्री गदै आएका छन । 

उपभोक्ता हित संरक्षण कार्यालयको आयोजनामा मासु पसलको अनुगमन गरिएको हो । अनुगमनमा सिमकोट गाउँपालिकाकी उपाध्यक्ष शुशिला भाम रोकाया, उद्योग बाणिज्य संघ, कृषि बिकास कार्यालय का प्रतिनिधिहरुको उपसिथती रहेको थियो । अनुगमनका क्रममा मापदण्ड अनुसार मासु बिक्रि बितरण गर्न निर्देशन दिईएको छ ।