तीन सय दश जनालाई अनुदानमा जन्म, मृत्युको खाद्यान्न वितरण

सिमकोट । नेपाल सरकारले हुम्लासहित कर्णालीका साविक जिल्लामा जन्म र मृत्यका नागररीकलाई अनुदानमा नि: शुल्क वितरण गर्दै आएको छ । 

     खाद्य व्यवस्था तथा व्यापार कम्पनी लिमिटेड सिमकोट शाखा हुम्लाले गत आर्थिक वर्षमा तीन सय दश जनालाई जन्म र मृत्युको खाद्यान्न वितरण गरेको छ । यस्तै जिल्लाको दक्षिण भेगमा रहेको श्रीनगर डिपोबाट  ८८ जनालाई जन्म र मृत्युको खाद्यान्न वितरण गरेको बताइएको छ । 

    लिमिटेड शाखा सिमकोट हुम्लाले जन्म दुई सय ८५ र मृत्यु २५ जनालाई वितरण गरेको जानकारी प्राप्त भएको छ । सिमकोट शाखाले ८९ दशमल १० क्वीइन्टल चामल वितरण गरेको बताइएको छ । 

    तीन सय दश जना जन्म मृत्युका लागि लिमिटेड शाखाले रु एक लाख ६७ हजार ढुवानी रकम वितरण गरेको छ । यस्तै ३० केजीका दरले तीन सय दश जनालाई रु आठ लाख, ३२ हजार एक सय ७० रुपैयाँको चामल अनुदानमा वितरण गरेको शाखा प्रमुख मगरले बताउनुभयो । 

    त्यसैगरी श्रीनगर डिपोबाट ८१ जना जन्म, सात जना मृत्युका गरी ८८ जनालाई चामल वितरण गरेको बताइएको छ । जसको ढुवाीनमा रु ४९ हजार पाँच सय र खाद्यान्न वितरणमा रु दुई लाख ३४ हजार तीन सय वितरण गरेको बताइएको छ । 

     यस्तै सोही आर्थिक वर्ष २०८१।०८२ को अन्य नागरीकलाई वितरण हुँदै आएको चामल सातह जार एक सय एक दशमलब ६७ क्वीइन्टल मौजुदा रहेको छ । काठमाण्डौँ हुँदै केरुङ भएर सिमकोट पुग्ने चामल अझै पाँच हजार क्वीइन्टल बाँकी रहेको बताइएको छ ।