प्रेस चौतारी नेपाल हुम्लाले लगाएको ताला एक महिनापछि खुल्यो

सिमकोट । प्रेस चौतारी नेपाल हुम्ला शाखाले भदौ ३१ गते सोमबार नेपाल पत्रकार महासंघ हुम्ला शाखाको कार्यालयमा लगाएको ताला आज खुलेको छ । प्रेस चौतारी हुम्लामा आवद्ध सञ्चारकर्मीको सदस्यता छुटाएको भन्दै एक महिना अघि महासंघको कार्यालयमा ताला लगाइएको थियो ।

चौतारी हुम्लाले दिएको सदस्यता विवरण सबैको आउने भएपछि महासंघ हुम्ला र चौतारी हुम्ला विच सहमती भएपछि आज ताला खुलाइएको जानकारी प्राप्त भएको छ । भदौ २९ गते शनिबार बेलुका नेपाल पत्रकार महासंघ केन्द्रले सार्वजनिक गरेका सदस्यता विवरणमा प्रेस चौतारी नेपालको हुम्ला शाखाका सदस्यहरुको नाम हटाएको भन्दै ताला लगाइएको थियो । असोज १६ गते महासंघको केन्द्रिय भेलाले जिल्ला शाखा हुम्लाबाट पठाएका सबैको सदस्यता नछुटाउने भएको सहमती अनुसार आज ताला खोलिएको प्रेस चौतारी जिल्ला शाखा हुम्लाका अध्यक्ष नन्द सिंहले बताउनुभयो । दुई पक्ष विच भएको सहमतीका आधारमा आज ताला खोलिएको चौतारी हुम्ला अध्यक्ष सिंहले बताउनुभयो ।

महासंघमा लगाएको ताला खुलाउन चौतारीको तर्फबाट अध्यक्ष सिंह, कोषाध्यक्ष बेलुमाया महतारा, सुरेश परियार र महासंघको तर्फ जिल्ला अध्यक्ष राजन रावत, सदस्य लोग भण्डारीको उपस्थितमा खोलिएको जानकारी प्राप्त भएको छ । प्रेश चौतारीले राख्दै आएका मागहरु राष्ट्रिय भेलाले पुरा गर्ने परिपत्र जिल्ला शाखालाई पठाएपछि कार्यालयमा लागेको तालो खोलिएको हो । अब शाखाले आगामी मंसीर २८ गते हुन लागेको निर्वाचनका लागि निर्वाचन मण्डल गठन गरेर केन्द्रले बताउने तयारी गरेको छ ।