नेपालमा संक्रमितको संख्या २ हजार ६ सय ३४ पुग्यो

काठमाडौँ । नेपालमा आज थप ३३४ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयले आयोजना गरेको नियमित प्रेस मिटमा मन्त्रालयका प्रवक्ता डा. विकास देवकोटाले आज थप ३३४ जनामा कोरोना भाइरसको संक्रमण पुष्टि भएको जानकारी दिनुभएको थियो । भेटिएका नयाँ संक्रमित मध्ये ३१९ जना पुरुष हुनुहुन्छ भने १५ जना महिला हुनुहुन्छ । कोरोना संक्रमण नेपालको ६५ जिल्लामा फैलिएको मन्त्रालयले जनाएको छ ।

मन्त्रालय अनुसार हालसम्म कोरोनाबाट संक्रमित व्यक्तिहरु मध्ये उपचार पश्चात निको भएर घर फर्किनेको संख्या २९० पुगेको छ ।

त्यस्तै नेपालमा कोरोनाको संक्रमणबाट अहिलेसम्म मृत्यु भएको संख्या १० पुगेको छ ।

नेपालमा हालसम्म कोरोनाबाट संक्रमित हुने व्यक्तिहरुको संख्या २६३४ पुगेको छ ।