सिमकोटमा मनाइयो दशौं योग दिवस

सिमकोट । हुम्लाको सदरमुकाम सिमकोटमा दशौँं राष्ट्रिय योग दिवस एक कार्यक्रम गरी मङ्गबार विहान मनाइएको छ । “स्वस्थ समाज, समृद्ध नेपाल र विश्वशान्तिका लागि योग” भन्ने नाराका साथ आयुर्वेद स्वास्थ्य केन्द्र हुम्लाको आयोजनामा राष्ट्रिय योग दिव पनि मनाइएको जानकारी प्राप्त भएको छ । पतंजलि योग समिति हुम्लाका जिल्ला अध्यक्ष मान बहादुर रावतको अध्यक्षतामा योग दिवस मनाइएको हो । साथै महिला पतंजलि योग समितिका अध्यक्ष मधु बस्नेत शाहीले योग दिवस मनाउनु भनेको आफ्नो शरीरको योग र आयुर्वेदको क्षेत्र विकसित हुने बताउनुभयो । शारीरिक र मानसिक रूपले स्वस्थ रहनका लागि योग महत्ववपूर्ण माध्यम भएको शाही बस्नेतले बताउनभयो । 

स्वास्थ्य लाभ, मानसिक शान्तिका लागि योग अभ्यास गर्नेको लागि सबैले योग गर्नु अहिलेको आवश्यकता भएको आग्रह गर्नुभयो । वैदिक कालमा हिमालयको काखमा ऋषिमुनिले अध्ययन अनुसन्धान गरी प्रतिपादन गरेको योग  थियो । यही क्षेत्रबाट पुनर्जागरण गर्न दिवस घोषणा गरी जनचेतना जगाउने काम सुुरु भएको हो । सरकारी कार्यालयका प्रमुख तथा प्रतिनिधिहरु, सुरक्षाकर्मी,नेपाल रेडक्रश शोसाईटी र संचारकर्मीहरु लगायतको उपस्थित रहेको थियो ।