गाईबस्तु चरीचराउन गर्न रोक

हुम्लाको उत्तरी क्षेत्रमा रहेको नाम्खा गाउँपालिकाले छिमेकी गाउँपालिकाका गाइवस्तु चरीचराउन गर्नमा रोक लगाएको छ । नाम्खा गाउँपालिका वडा ५ को यारी र वडा १ को धिँगा गाउँका स्थानीयले सिमकोट गाउँपालिका वडा ७ साविको डाँडाफया गाविसका चारवटा वडाका गाईवस्तुलाई कोभिड (१९) का कारण चरीचरनमा रोक लगाएको छ । छिमेकी पालिकाले गाइवस्तु चररुीचरनमा रोक लगाएको भन्दै डाडाफयाका गाइवस्तुहरु विगतका वर्षहरुमा जस्तै चरीचराउन गर्न पाउनु पर्छ भन्दै माग सम्वोधनका लागि सदरमुकाम सिमकोट पुगे थिए । 

करिव दुई सय वर्षभन्दा अगाडि देखि वर्षाको समय (यो सजिनमा ) छ महिना लेखतिर र हिउँदको छ महिना बेसीतिर पशुको चरीचरन गर्ने चलन अनुसार यो वर्ष पनि जेठ महिनाको दोस्रो हप्ता करीव तीन हजार पशुवस्तु उक्त चरन क्षेत्रतिर लिएर जाँदा सिमकोट गा.पा. वडा नं. ७ धारापोरी, चौगानफया र पाम्लाथुम गाउँका १ सय ६० घरधुरीका तीन हजारभन्दा धेरै पशुवस्तु अलपत्र परेको धारापोरी गाउँका स्थानीय दिर्घबहादुर शाहीले बताए । ह्याङसी, टौवन, कगुवा र अन्य वनहरूमा सधैं झैँ पशुवस्तु लिएर जाँदा नाम्खा गाउँपालिका वडा नं ५ यारी गाउँका स्थानीयले कोभिड (१९) सर्ने डरले आवतजावतमा रोक लगाउँदा दुई हप्तादेखि धारापोरी, चौगानफया, पाम्लाथुम गाउँका मानिस र पशुवस्तु विचबाटोमा अलपत्र परेका छन ।

पटक पटक नाम्खा गा.पा. वडा ५ का वडा अध्यक्ष र अन्य स्थानीयहरुसँग समन्वय गर्दा समस्या समाधान नभएकाले उक्त तीन गाउँका एक सय ६० घरधुरीका मानिसहरू चरीचरनका लागी पहल गरी दिन भन्दै ज्ञापनपत्र सहित सिमकोट गाउँपालिका, जिल्ला प्रसाशन कार्यालय र वन डिभिजन कार्यालय सिमकटमा पुगेका छन् ।

सिमकोट गाउँपालिका अध्यक्ष, नाम्खा गाउँपालिका अध्यक्ष र प्रमुख जिल्ला अधिकारीसँग आवश्यक छलफल तथा समन्वय गरी उपयुक्त विकल्प निकाल्ने जानकारी वन डिभिजन प्रमुख निरझ झाले दिएका छन् ।