रेडक्रस दिवसमा आगलागी र बाढी पिडीतलाई राहत सहयोग

नेपाल रेडक्रस सोसाइटी जिल्ला शाखा हुम्लाले आज आफ्नो स्थापना दिवसको अवसरमा विभिन्न समयमा विभिन्न प्रकारका घट्नाबाट पिडीतलाई राहत सहयोग गरेको छ । सोसाइटी जिल्ला शाखा तल्लो बजारमा रहेको आफ्नै कार्यलयमा आगलागी र बाढाी पहिरोबाट पिडित भएका दुई जनालाई राहत सहयोग गरिएको हो । गत वर्षको साउन महिनामा आएको वर्षाले घर खेत बगाएका सिमकोट गाउँपालिक–७ का भुजेनी सिंह र वडा– ८ का आगलागी पिडित जसविर शाहीलाई राहत सहयोग गरिएको सोसाइटी जिल्ला शाखाका मन्त्री अर्जुन बोहराले बताउनुभयो । पिडितहरुलाई एक–एक कम्बल र एक–एक पाल सहयोग गरिएको मन्त्री बोहराले बताउनुभयो । 
    ‘मानवतालाई जीवित राखौँ’ भन्ने नाराका साथ पिडितहरुलाई राहत सहयोग गर्दै हुम्लामा पनि मनाइएको छ । रेडक्रस सोसाइटी जिल्ला शाखाका संस्थापक तथा उपसभापति तीर्थराज रोकायाको अध्यक्षतामा र रेडक्रस केन्द्रिय सदस्य गोकुल बुढाको प्रमुख आथित्यमा दिवस बनाउनुका साथै राहत वितरण गरिएको हो । 
     हरेक वर्ष मे ८ मा विश्व रेडक्रस दिवस मनाउँदै आउने गरिन्छ । नोबेल शान्ति पुरस्कारबाट सम्मानित रेडक्रसको अन्तर्राष्ट्रिय समितिका संस्थापक हेनरी ड्युनाको जन्म पनि आजै भएको हो । रेडक्रसका संस्थापक हेनरी ड्युनाको जन्मजयन्तीका साथै प्राकृतिक प्रकोप, युद्ध, चिकित्सा सङ्कट एवं अन्य विपत्तिहरूको सामना गर्दै समाजसेवामा करुणा, निःस्वार्थता र एकताबद्ध भएर अरूको सहयोगमा आफ्नो जीवन समर्पण गर्नु भएको थियो । रेडक्रसका केन्द्रि सदस्य बुढाले हेनरी ड्युनाले सिकाएको बाटो र स्वच्छ मानव भाव लिएर अगाडी बढेको बताउनुभयो । 
    यस्तै रेडक्रस हुम्ला शाखाका संस्थापक रोकायाले रेडक्रसका कर्मचारीको प्रभावकारी समन्वय र आपसी सहकार्यबाट रेडक्रसका गतिविधि सफल रूपमा कार्यान्वयन गर्न सहयोग पुगेको बताउनुभयो । रेडक्रस हुमला शाखालाई आर्थिक अभाव समेत भएको उहाँले रोकायाले बताउनुभयो । रेडक्रस हुम्लामा २०४३ सालमा स्थापना भएको र आफु तेस्रो नम्बरको संस्थापक भएको बताउनुभयो । 
    रेडक्रस दिवसमा हेनरी ड्युनाको तस्विरमा अविर लगाएर माल्यापर्ण समेत गरिएको थियो । आजै भएको कार्यक्रममा जिल्ला प्रशासनका मोहन शर्मा, रानीवन उपशाखाका अध्यक्ष सुन्दर रावत, उपमन्त्री दलजित ऐडी कोषाध्यक्ष मन्दिर सिंह,तेन्जीन लामा लगायतको उपस्थित रहेको थियो ।