सल्लाको रुखमै बिजुलीको तार

हुम्लाको उत्तरी नाम्खा गाउँपालिकामा बत्ति बाल्नको लागी सल्लाको हरियो रुखमा विजुलीको तार तानिएको छ ।

नाम्खा गाउँपालिका वडा ४ को पालिका केन्द्र याल्वाङ्मा उज्यालोका लागी सल्लाको हरियो रुखमा बिजुलीको तार तानिएको छ ।

याङगार खोला लघुजलविधुत वितरण केन्द्रले याङगार गाउँबाट ल्याएको मुख्य तारलाई हरियो सल्लाको रुखमा टाँगिएको छ । याङगार खोला लघुजलविधुत वितरण केन्द्रले ३४ किलोवाट विद्युत उत्पादन गर्दै आएको छ ।

याङगार खोला लघुजलविधुत वितरण केन्द्रले याङगार गाउँ, याल्वाङ्ग, गाउँपालिका, बैक, गुम्बा लगायतका गाउँमा विजुलीका तार तानिएको छ । पोल विहीनको हरियो रुख बाट बिजुली विस्तार गरेको स्थानीय बासिन्दाले बताएका छन ।

विजुलीको तार तानिएको हरियो रुखको आसपास जाने मानिस तथा पशुवस्तुलार्ई समेत खतरा हुने सक्ने संकते देखिन्छ । सम्बन्धित निकार्यको लापारबाहीले भोलीका दिनमा कुनै अपिर्य घटना नहोला भन्न सकिन्न । नाम्खा गाउँपालिका सहित सम्बन्धित निकायले समयमा नै ध्यान दिन आवश्यक रहेको याल्वाङका स्थानीयले बताएका छन् ।