सकडका विषयलाई लिएर वडाध्यक्ष थापा माथि हातपात हुँदा गम्भिर घाइते छ वटा टाका लगाइयो

हुम्लाको अदानचुली गाउँपालिका वडा एकका वडाध्यक्ष माथि हातपात हुँदा शख्त घाइते हुनुका साथै ६ वटा टाका लगाइएको छ । श्रीनगरको थलान्ल मोड देखि कल्ख्या सम्मको सडक अनुगमनमा गएका जनप्रतिनिधिको टोली माथि स्थानीय हात गरेका हुन् ।

प्रधानमन्त्री स्वरोजगार कार्यक्रम अन्तर्गतको अदानचुली गाउँपालिका वडा एकका वडाध्यक्ष थापा सहित गाउँपालिका टोली अनुगमन गएको समयमा एक्कासी वडाध्यक्ष थापा माथि ढुङगाले हानेर गम्भिर घाइते बनानउनुका साथै टाउँको ६ वटा टाका लगाएको बताइएको छ ।

वडाध्यक्ष थापाले प्राविधिकको सर्बे विना श्रीनगरको सडक मनपरी ढंगले काट्न नहुने भन्दै सम्झाउन खोज्दा एक्कासी मान वहादुर थापा, बरुण महतारा,देवी परियार, धन बहादुर परियार र तुलबिर लुवार लगायतले ढुङगा मुडाले हान्दा वडाध्यक्ष थापा सहित तीनजना घाइते भएको अदानचुली गाउँपालिका अध्यक्ष दल फडेराले जानका्री दिनुभयो । कुटपिटमा संलग्न स्थानीयले आफै भोट दिएर निर्वाचीत गरेका कारण आफुहरुले हातपात गर्न पाउने बताएका छन् ।

वडाध्यक्ष थापा माथि हातपात गर्ने मान वहादुर थापा, बरुण महतारा,देवी परियार, धन बहादुर परियार र तुलबिर लुवारले नियम विपरीत सडक निर्माण गरेको बताइएको छ । वडाध्यक्ष थापाको टाउको, मुख र शरिरमा चोट लाग्नुका साथै गम्भिर घाइते भएको बताइएको छ ।

घाइते हुने वडाध्यक्ष रग थापा, स्थानीय दिपक थापा, र मक्क थापा गरी तीनजनाको अहिले स्थानीय स्वास्थ्यचौकीमा उचार भइरहेको जानकारी प्राप्त भएको छ । सबैभन्दा बढी वडाध्यक्ष थापालाई चोट लाग्नुका साथै उनी गम्भिर घाइते भएका छन् । झडप पछि अहिले नेपाल कम्युनिष्ट पार्टी नेकपा ओली पक्ष र प्रचण्ड नेपाल पक्षको छुट्टा छुट्टै भेलाई रहेको बताइएको छ । फेरी भडपको सिर्जना हुने सक्ने भएकाले श्रीनगर र गल्फागाड प्रहरी चौकीका गरेर २५ जनाको टोली श्रीगर पुगेको छ भने कल्ख्याको टोली समेत आउन लागेको जानकारी प्राप्त भएको छ ।

यसभन्दा अगाडी साउन २२ गते नेपाली काग्रेस र नेपाल कम्युनिष्ट पटि विच समेत झडप भएको थियो ।