आयोजक रानीबन युवा क्लबको फाइनल खेल भोली

वडा दशैं तथा शुभ दिपावली २०८२ को अवसरमा रानीबन युवा क्लबद्वारा आयोजित सिमीकोट गाउँपालिका उपाध्यक्ष कप फुटबल प्रतियोगिता अन्तर्गत आज सम्पन्न सेमिफाइनल खेलबाट छिप्रा युवा क्लब र सिमबाइज क्लब फाइनलमा प्रवेश गरेका छन्  ।
सिमीकोट खेल मैदानमा आज सम्पन्न पहिलो सेमिफाइनल खेलमा छिप्रा युवा क्लबले जेनजी रिबलेसन क्लबलाई २–० गोल अन्तरले पराजित गर्दै फाइनलको स्थान सुरक्षित गरेको हो ।
त्यस्तै दोस्रो सेमिफाइनलमा सिमबाइज क्लबले मजा युवा क्लबलाई ५–० गोल अन्तरले हराउँदै फाइनलमा स्थान बनाएको छ ।
रानीबन युवा क्लबका अनुसार अब फाइनल खेल असोज २८ गते ९मंगलबार० हुने छ, जसमा छिप्रा युवा क्लब र सिमबाइज क्लबबीच उपाधिका लागि प्रतिस्पर्धा हुनेछ ।
फाइनल विजेता टिमले रु। १ लाख ५० हजार नगद सहित ट्रफी, मेडल र प्रमाणपत्र प्राप्त गर्नेछ भने दोस्रो हुने टिमले रु। ७५ हजार नगद सहित ट्रफी, मेडल र प्रमाणपत्र प्राप्त गर्ने आयोजक समितिले जनाएको छ ।
रानीबन युवा क्लबका प्रतिनिधिले रेडियो कर्णाली आवाजलाई जानकारी दिँदै प्रतियोगिता सफलतापूर्वक अघि बढिरहेको र खेलप्रेमीहरूको उत्साह उच्च रहेको बताएका छन् ।