स्रोतसाधन अभावबीच हुम्लामा गर्भवती महिलाकोे सफल शल्यक्रिया

हुम्ला ।        दुर्गम हिमाली जिल्ला हुम्लामा पहिलो पटक गर्भवती महिलाको सफल शल्यक्रिया सम्पन्न भएको छ।
कठिन भौगोलिक अवस्था, सीमित स्रोतसाधन र न्यून स्वास्थ्यकर्मीबीच जिल्ला अस्पताल हुम्लाले ऐतिहासिक उपलब्धि हासिल गरेको हो।

स्वास्थ्य सेवा कार्यालय हुम्लाका प्रमुख तथा एमडीजीपी डा. उमाकान्त तिवारीको नेतृत्वमा सिमकोट–२ ठेहेकी २१ वर्षीया हिरा सुनारको शल्यक्रिया (सिजेरियन) सफलतापूर्वक सम्पन्न गरिएको हो।
अस्पतालकी वरिष्ठ अनमी सरिता बोहोराका अनुसार सुनारले तीन वर्षअघि सुर्खेतमा पहिलो सन्तानका रूपमा छोरी जन्माएकी थिइन्। यसपटक उनले जिल्ला अस्पतालमै सुरक्षित रूपमा दोस्रो सन्तानलाई जन्म दिएकी हुन्।

अहिले आमा र नवजात शिशु दुबैको स्वास्थ्य अवस्था सामान्य रहेको अस्पतालले जनाएको छ।
डा. तिवारीको नेतृत्वमा नर्सिङ स्टाफ कंचन चौधरी, शर्मिला गिरी, सरिता बोहोरा र पारामेडिक्स प्रेम भण्डारी सम्मिलित टोलीले शल्यक्रिया सम्पन्न गरेको थियो।

अस्पताल परिवारले उक्त सफलतामा संलग्न सम्पूर्ण टोलीप्रति हार्दिक आभार व्यक्त गर्दै यो उपलब्धि हुम्लाका सम्पूर्ण स्वास्थ्यकर्मीहरूको सामूहिक मनोबल र समर्पणको परिणाम उच्च पु¥याउन पाएको छ।