भालुको आक्रमणबाट तीन जना घाइते, एकको जिल्ल्ला बाहिर रेफर

सिमकोट      ।   सिमकोट गाउँपालिका–५ सिम स्थित घाँस काटने क्रममा भालुको आक्रमणमा परि तीन जना घाइते भएका छन।
घाइते हुनेमा सिमकोट गाउँपालिका– ५ बस्ने ५९ वर्षका लक्ष्य रावत, उनकी श्रीमती वर्ष ५५ कि बाचु रावत र ३८ वर्षिया रजनि रावत घाइते भएका छन।

आइतबार विहान ६ः१० बजेको समयमा सिम क्षेत्रमा गएको बेला भालुको आक्रमणमा परि घाइते भएकारूलाई जिल्ला अस्पताल हुम्लामा उपचार भईरहेको जिल्ला प्रहरी कार्यालय हुम्लाका प्रहरी नायव उपरीक्षक संकर पोखरेलले बताउनुभयो ।

लक्ष्य रावतको टाउकोमा, बाँचु रावतको दाइने हात, गालामा र रजनिको छातिमा चिथोरेको पोखरेलले बताउनुभयो । सदरमुकाम सिमकोट नजिकै भालुको आक्रमणमा परेर घाइते भएको  जिल्ला प्रहरी कार्यालय हुम्लाले जनाएको छ । घाइतेका हाल जिल्ला अस्पतालमा उपचार भइरहेको छ । बाँचु रावतलाई भने  जिल्ला बाहिर रिफर गरिएको छ । हुम्ला अस्पतालमा उपचार हुन नसक्ने भन्दै रिफर गरिएकी घाईते सिमकोट गाउँपालिका–५ की बाँचु रावत रहेकी छन्

अस्पतालमा उपचार भई रहेको भएपनि रिफर गरिएकी रावतको दाँया गालाको मासु निकालिएको र छाला समेत निकालिएको कारण त्यसको उपचार हुम्लामा हुन नसक्ने भन्दै जिल्ला बाहिर रिफर गरिएको अस्पतालले जनाएको छ ।

रिफर गरिएकी घाईते सहित सदरमुकाम रहेको सिमकोट गाउँपाउँपालिका–५ मा भालुको आक्रमणबाट चार जना घाईते भएका थिए । उनी सिमकोट कै सिमसार क्षेत्रमा घास काट्न गएको बेला भालुको आक्रमणमा परि घाईते भएकी हुन ।