कैलास आधारभुत बिधालयमा कक्षा कोठाको अभाव, पठनपाठनमा समस्या

खार्पुनाथ गाउँपालिका वडा नं १ को पिडामा रहेको कैलास आधारभुत बिधालयका कक्षा कोठाको अभाब भएको छ । कक्षा कोठाको अभाव हुदा पठनपाठनमा समस्या भएको प्रध्यानाध्यापक लाल बहादुर शाहीले बताउनु भएको छ । हाल बालबिकासमा ५३ जना विद्यार्थी रहेको र बाल बिकासको लागी चार वटा कोठाको हुनुपर्नेमा कोठा नहुदा एउटै कोठामा पठनपाठन गनु परेको अवस्था रहेको प्रअ शाहीले बताउनु भएको छ । 

सबै विद्यार्थी एउटै कोठामा कोचिएर बस्दा बिभिन्न किसिमका रोगहरु लाग्ेन सम्भाबना धेरै भएको उहाँले बताउनु भयो । अहिले चिसोको समयमा त तेती समस्या नभएको र बर्षाको समयमा बिभिन्न किसिमका रोग लाग्ने समस्या भएको बताउनु भएको छ । 

बालबिकास देखी कक्षा आठ सम्म पढाई हुने उक्त बिद्यालयमा जम्मा एक सय पचास जना बिद्यार्थी पठनपाठन गर्दै आएका छन । सो बिद्यालयमा घेरबारको समस्या पनि उस्तै छ । प्रअ शाहीले भन्नुभयो भएका कक्षा कोठाको पनि राम्रोसँग व्यवस्थापन छैन, सिलिङ छैन, धुलो धुवोले पठनपाठनमा समस्या गर्छ, हाल चार वटा शौचालय भएपनि जिण अवस्थामा छन । खेल मैदानको समस्या तेस्तै रहेको छ । उक्त बिद्यालयमा शिक्षकको दरबन्दी राम्रो भएपनि भौतिक संरचनाको आवश्यक देखिएको छ । 
विद्यार्थीलाई दिवा खाजा बनाउने भान्साको पनि आवश्यक रहेको छ । प्रअ शाहीले भन्नुभयो आफुले खार्पुनाथ गाउँपालिकामा चार, पाँच चोटी निवेदन दिएपनि कुनै सुनुवाई नभएको गुनासो गर्नुभएको छ । यो विषयमा खार्पुनाथ गाउँपालिकाका उपाध्यक्ष ज्ञान बहादुर शाहीलाई सोध्दा आवश्यक भौतिक तथा शैक्षिक सामाग्रीको समस्याको समाधान गरिने बताउनु भएको छ ।