सिमकोट राइजिङ क्लबद्वारा न्यानो कपडा वितरण

सिमकोट

सिमकोट राइजिङ क्लबद्वारा न्यानो कपडा वितरण गरिएको छ । ३४ औ अन्तराष्ट्रिय अपाङ्गता दिवसको अवसर पारी सिमकोट गाउँपालिका वडा नम्बर ५ का जेष्ठ नागरिक तथा अपाङ्ग भएका व्यक्तिलाई सिरक र सुइटर सहयोग गरिएको छ । सिमकोट राइजिङ क्लबले देउसी भैलो खेलेर उठाएको रुपैयाँबाट जेष्ठ नागरिकलाई ब्लाङ्केट र सुइटर वितरण गरिएको क्लबका अध्यक्ष शिवशत्ती रावतले जानकारी दिनुभएको छ । यो क्लबले पहिलो चरणको सहयोग गरिएको र अर्को चरणमा बिधालयका गरिब तथा बिपन्न वर्गका बिधार्थीलाई सहयोग गर्ने क्लबका अध्यक्ष रावतले जानकारी दिनुभयो ।

वडा नम्बर ५ का ९ जना गरिब, जेष्ठ नागरिक तथा अपाङ्ग भएका व्यत्तिलाई तिन जनालाई सिरक, चार चार जनालाई सुईटर र  एक जनालाई १५ केजी चामल सहयोग गरिएको बताइएको छ । जसु रावत, चाक्पी रोकाया, सौरी कामी, धनलाल कामी,  राजु बोहरा, शुक्राज परियार, रामे, रोकाया र किस्मती कामी गरी ९ जनालाई सहयोग गरिएको छ । आफुले देउसी भैली खेल्नुको मुख्य उदेश्य भनेको गरिब तथा विपन्न वर्गका नागरिकलाई सहयोग गर्ने रहेको थियो ।

यसैगरी सिमकोट गाउँपालिकाले ३४ औं अन्तर्राष्ट्रिय अपांगता दिवस–२०८२ का अवसरमा सिमकोट वडानम्बर ५ का क वर्गका पूर्ण अपांगता भएका व्यक्तिहरूलाई एक एक क्यारेट अण्डा वितरण गरेको छ । क वर्गका नौ जना व्यक्तिलाई अण्डा वितरण गरिएको हो । सिमकोट गाउँपालिका वडा नम्बर पाँचका वडा अध्यक्ष चिन रावतको अध्यक्षतामा यो कार्यक्रम गरिएको भियो । वडा अध्यक्ष रावतले सिमकोट राइजिङ क्लबलाई सानो भएपनि गरिब, विपन्न तथा अपाङ्ग भएका व्यक्तिलाई न्यानो कपडा सहयोग गरेकोमा धन्यवाद दिनुभएको छ ।