हुम्लामा सडक जोडिएपनि दैनिक उपभोग्यवस्तु चर्का मुल्यमै खान बाध्य

 सिमकोट   ।  औपचारिक रुपमा ७ महिना पहिले हुम्लाको खार्पुनाथ गाउँपालिका ५ स्थित च्वाखोला कर्णाली नदीमा निमित्त  बेलिबिज्र तत्कालिकन प्रधानमन्त्री केपी शर्मा ओलीले उद्धघटन गरेसँगै हुम्ला देशको ७७ औ जिल्लाका रुपमा सडक सञ्जालसँग जोडियो । राष्ट्रिय सडकसँग हुम्ला जोडिएपनि यहाँ नागरिकहरुलाई दैनिक उपभोग्य वस्तु चर्का मुल्यमै किनेर खान बाध्य छन । 

 सिमकोट गाउँपालिका २ ठेहे गाँउकी काली भण्डारी  सदरमुकाम सिमकोटमा गाडी  पुग्दा हर्ष गदगद भइन। तर घर आगनमै गाडी पुग्दा उनको भुइमै खुटटा थिएन । गाडी गुडन थालेपनि  सस्तो मुल्यमा पाइनुपर्ने दैनिक उपभोग्य वस्तु चर्का मुल्यमै किनेर खानुपर्दा  उनलाई खपिनसक्नु छ  । 

सिमकोट गाउँ २ की अर्की स्थानीय काली भण्डारी  बजार  सामानको दर एकरुपता नभएकाले मनपरी रुपमा सामान बिक्रि हुने गरेको दुखेसो छ । 

सर्केगाड गाउँपालिका ६ का हरिबहादुर ऐडीलाई पनि सुरु भन्दा केही कम भएपनि सडक बाट आउने दैनिक उपभोग्य वस्तु सस्तोमा नपाइने गरेको गुनासो उस्तै रहेको छ ।
सिमकोट गाउँपालिका २ ठेहेकी काली भण्डारी र सर्केगाड गाउँपालिका ६ का हरिबहादुर ऐडीको गुनासो जस्तै सिमकोट गाउँपालिका ७ का हंश सुनारको पनि  गुनासो उस्तै रहेको छ । 
यता सिमकोट गाउँपालिका ५ मा २५ वर्ष  वर्षदेखि हालसम्म व्यवसाय गदैँ आएका दर्मेली जनरल स्टोरका प्रोपाइल लक्ष्मण ऐडी विगतका वर्षमा जहाजमा आउने सामाग्री भन्दा आजभोली दोब्बरले मुल्य कम भएको बताउनुभयो ।

 ०५७ सालदेखि सडक सपना बोकेका हुम्ली जनताले ७ महिना पहिला  औपचारिक  रुपमा सडक सञ्जालसँग जोडिएपनि पुरानै मुल्य जस्तै चर्का दरमै किनेर खान बाध्य देखिएका छन । जिल्ला बाहिरबाट  मालबाहक टकमा भित्रिने दैनिक उपभोग्य वस्तुदेखि सम्पुर्ण सामान चर्का मुल्यमा   व्यवसायीहरुले बिकि गरेपनि यहाँका सरोकारवाला निकाया मौन देखिएका छन । कमजोर बजार अनुगमनले यहाँ नागरिकहरुलाई सडकसँग जोडिएको अनुभुति समेत गर्न पाएका छैन ।