फोरजी सेवा प्रभावकारी नहुदाँ गाउँपालिका स्थानीयलाई सास्ती

 सिमकोट   ।   हुम्लाको दुई गाउँपालिकामा फोरजी सेवा प्रभावकारी नुहदाँ स्थानीयबासीहरुलाई सास्ती खेप्नु  परेको छ । खार्पुनाथ गाउँपालिका‐ ५ को खर्पेल गाउँमा राखिएको फोजी टावर र सिमकोट गाउँपालिका‐३ को बरगाउँमा राखिएको नेपाल टेलिकमको फोरजी टावर प्रभावकारी नहुदाँ दुई पालिकाका स्थानीयबासीहरुले सास्ती खेप्ने बाध्य छन ।

 फोरजी सेवा प्रभावकारी नभएपछि अनलाइनबाट गर्नुपर्ने अधिकाश कामकाज ठप्प भएको ठेहे स्वास्थ्यचौकीका इन्चार्ज दानबहादुर बोहराले जानकारी दिनुभयो । 

 सिमकोट गाउँपालिका वडा नम्बर १,२, ३  स्थानीयबासीहरु फोरजी सेवा प्रभावकारी नहुदाँ दोजाम, बैजीबाडा,ग्यागरु, ठेहे, निमाटाङ, टल्की, बरगाउँ,तोर्पा,हुटिक, लगायतका नागरिकहरुले सास्ती खेप्न बाध्य छन । 

यस्तै गरि खार्पुनाथ गाउँपालिकाको खर्पेल गाउँमा राखिएको फोरजी टावरले काम नगर्दा यहाँका नागरिकहरुलाई सास्ती खेप्न बाध्य भएको खार्पुनाथ गाउँपालिका ५ का माधब ऐडीले जानकारी दिनुभयो । 

खार्पुनाथ ५ को खर्पेल गाउँमा राखिएका फोरजीको टावर प्रभावकारी नहुदाँ  खार्पनाथ गाउँपालिका  १ को लाली प्युस,गोप्का,देउखुडी र २ नम्बरको थाली, र खार्पुनाथ गाउँपालिका  ५ को दुर्पा गाउँमा फोरजी सेवा प्रभावकारी नभएको स्थानीयबासीहरुको गुनासो आएको छ ।