तीन वर्ष वित्दा पनि वलेन बत्ति

हुम्ला,

तीन वर्ष विति सक्दा पनि हिल्दुम साना जलविधुत बाल्ने भनेर स्थानीयलाई ठेकेदारले आश्वासन दिएता पनि सिमकोट गाउँपालिका वडा नम्वर ८ स्याँडा गाउँममा हालसम्म बत्ति बाल्न सकेका छैनन । विगत लामो समयदेखि ठेकेदारको लापरवाहिका कारण हालसम्म पनि बत्ति नबलेपछि स्याँडा गाउँ अन्धकारमय बनेको छ ।

विधुत बाल्ने बाहानामा ठेकेदारहरुले स्थानीयलाई विजुलिका पोलहरु बोकाएर ज्याला भने हालसम्म नदिएको स्थानीयको गुनासो छ । २०७४ सालमा हिल्दुम साना जलविधुत पुराउने भन्ने प्रकृयामा लागेता पनि करीव तीन वर्ष विति सक्दा पनि सो विधुत नवलेको स्थानीयले गुनासो गरेका छन् । २०७४ सालमा पहल गरे अनुसार २०७५ मा पूर्व गाविस सचिवको पालोमा स्याँडा गाउँलाई बत्ति बाल्ने भनेर ८ लाख रकम र सरकारको लगानीमा ठेकेदार मार्फत ठेक्काको जिम्मा लिएका ठेकेदारले काम पुरा गर्न नसकेको स्थानीयले बताए ।

तर दुवै क्षेत्रबाट सो रकम उपल्व्ध नहुँदा सोही गाउँका ज्याला मज्दुरी गर्ने व्यक्तिले सो रकम नपाएको स्थानीयबासी किरण बुढाले गुनासो गरेका छन् । स्थानीय बुढाका अनुसार त्यतीवेला सिमकोटको लाक्नाबाट १२ जना स्थानीयले २० वटा पोलहरु बोेकेर गाउँ पुराएका थिए । तर ठेकेदारको लापरवाहीका कारण गाउँमा नत वत्ति बल्न सक्यो, नत काम गरेको ज्याला नै पाइयो ।

वेला वेलामा ठेकेदारलाई सम्र्पक गर्न खोज्दा ठेकेदारले फोन रिसिभ नगरेको उनको गुनासो छ । अहिले स्याँडा गाउँ बत्ति नवल्दा अन्धकारमय बनेको छ । पोल ओसारेका १२ जना कामदारहरुले करीव ५ लाख बरावरको रकम पाउँनु पर्ने हो तर त्यो रकम तीन वर्ष विति सक्दा पनि नपाएको स्थानीयको गुनासो छ । यतिखेर सो ठाउँका लागि छुट्याइएको तार र पोलहरु पनि विचैमा लथालिंग बनेका छन् ।

बिधुत बाल्ने भनेर ठेक्का लिएका ठेकेदारहरुले कुरा मात्रै गर्ने काम भने गर्न नसकेको जन गुनासो आउँन थालेको छ । सो कार्यका लागि ठेकेदारलाई पुनः पनि एक पटक अनुरोध गर्ने तर नमानेमा नाम समेत सार्वजनिक गरि अक्तियारमा समेत उजुरी गर्ने स्याँडा गाउँका स्थानीय किरण बुढाको भनाई छ ।