दलित तथा विपन्न वर्गका विद्यार्थीलाई शैक्षिक सामग्रि हस्तान्त्रण

हुम्ला,
सिमकोट गाउँपालिका वडा नम्वर ५ को कार्यालायबाट दलित तथा विपन्न वर्गका विद्यार्थीहरुलाई शैक्षिक सामग्रिहरु हस्तान्त्रण गरिएको छ । ०७६।७७ को लक्षित कार्यक्रम अनुसार सिमकोट गाउँपालिका भित्र रहेका तीनवटा विद्यालयका दलित तथा विपन्न वर्गका विद्यार्थीहरुलाई असोज २ गते सो सामग्रि वितरण गरिएको हो ।

कक्षा ४ देखि माथिका दलित तथा विपन्न वर्गका विद्याथीहरुलाई प्रतिव्यक्ति चारवटा कापी, एक वटा ज्यामीटि बक्स र झोला समेत वितरण गरिएको थियो भने ४ कक्षा भन्दा तलका विद्यार्थीहरुलाई दुई वटा कापि मात्र वितरण गरिएको वडा नम्वर ५ का वडाअध्यक्ष कृण व. वोहराले बताए ।

जस्मा बालमन्दिर मावि, भिमसेन आधारभूत र हिमाली बहिरा तथा बौद्धिक अपंगता विद्यालयलाई सो सामग्रि हस्तान्त्रण गरिएको हो । हुम्लाका केही गरिव, दलित, विपनन वर्गका घरपरिवारका वालबालिकाहरुलाई केही राहत होस् भन्ने उदेश्यका साथ सो सामग्रि हस्तान्त्रण गरिएको थियो । ५ नम्वर वडा कार्यालयकै भवनमा सोही दिन तीन वटै विद्यालयका प्रधानध्यापकको रोहवरमा शैक्षिक सामग्रि हस्तान्त्रण गरिएको हो ।

कोभिड १९ का कारण विद्यालय सञ्चालनमा आउन नसके पनि अवको केही दिन भित्र विद्यालयहरु सञ्चालन हुने भएकाले गरिव, निमुखा, जेहान्दार, दलित र विपन्न वर्गका विद्यार्थीहरुलाई सो सामग्रि हस्तान्त्रण गरिएको अध्यक्ष बोहराले बताए ।