चिनीया मदिरा बरामद गरी नष्ट

हुम्लाको ताँजाकोट गाउँपालिकामा पसलमा विक्रि गर्नका लागी राखिएको अवैध चिनीया मदिरा बरामद गरी नष्ट गरीएको छ ।

कोरोना महामारीका विच व्यापारीले जिल्लाका विभिन्न नाकाबाट अवैध किसिमले भित्र्याएको रु ३६ हजार मुल्य बराबरको मधिरा सुरक्षाकर्मीले नियन्त्रणमा लिएर विहिवार नष्ट गरिएको हो ।

ताँजाकोट गाउँपालिका छप्रेलाको बुढा पसलबाट ३ काटुन चिनिया मदिरा बुधवार राती बरामत गरी बिहिवार जनप्रतिनिधि, स्थानीय राजनितिक दल, नागरीक समाज र सरोकारवाला निकायको रोहवरमा ताँजाकोट प्रहरी चौकीले नष्ट गरेको छ ।

हुम्लामा एक बोतल चिनिया मदिराको मुल्य रु १ हजारमा विक्रि हुने गरेको छ । ३ काटुनमा ३६ बोतल रहेको हुँदा रु ३६ हजार बराबरको मदिरा नष्ट गरीएको हो ।