जिल्ला अस्पताल बन्द

जिल्ला अस्पताल हुम्लामा कार्यरत एकजना चिकित्सकमा कोरोना संक्रमण पुष्टी भएपछि सबै सेवा बन्द गर्ने गरी अस्पताल बन्द गरिएको छ ।
आज विहान एक जना २८ वर्षिय चिकित्सकमा कोरोना पुष्टि भएपछि अनिश्चित समयका लागी जिल्ला अस्पतालको सेवा बन्द गरीएको हो ।

स्पतालका आकस्मिक, प्रसुतिबाहेकका सम्पूर्ण सेवा बन्द गरिएको अस्पतालले जनाएको छ । डाक्टरलाई कोरोना संकमण देखिएपछि प्रशासनले सूचना टाँसेर अस्पताल बन्द गरिएको जनाएको छ ।

जिल्ला अस्पतालका स्वास्थ्यकर्मीलाई संक्रमण देखिन थालेपछि जिल्लामा संक्रमणको जोखमि बढेको अनुमान गरेर जिल्ला अस्पताल बन्द गरिएको जिल्ला अस्पतालका सिनियर अनमि सरिता बोहराले जानकारी दिनुभयो ।

कोरोना संक्रमित डाक्टरका सम्पर्कमा आएका अन्य स्वास्थ्यकर्मीहरुको स्वाव संकलन गरीने भएको बोहराले बताउनुभयो ।
यसभन्दा अगाडी एक जना अनमिमा कोरोना पुष्टि हुँदा जिल्ला अस्पतालका सम्र्पुण सेवाहरु बन्द गरेका थिए ।