सिमकोट गाउँपालिका वडा तीन नेकपा प्रचण्ड माधव पक्षको वडा कमिटी गठन

हुम्लाको सिमकोट गाउँपालिका वडा तीनमा नेकपा प्रचण्ड माधव समुहको वडा कमिटी गठन गरीएको छ । आइतबार वडा कमिटीका अध्यक्ष टुमजोक लामाको अध्यक्षतामा, नेपाल कम्युनिष्ट पार्टी नेकपाका जिल्ला अध्यक्ष लालकेश जैसिको प्रमुख आथित्यमा २९ सदस्यीय कमिटी गठन गरीएको जानकारी प्राप्त भएको छ । नेता तथा कार्यकर्ताको उपस्थितमा वडा तीनमा २९ सदस्यीय वडा कमिटी गठन गरीएको ताक्ला जिम्मेत लामाले जानकारी दिनुभयो ।

आजै भएको नेकपा प्रचण्ड माधवका नेता कार्चेन लामा, अविराम शाही, तिर्थराज रोकाया लगाएतका नेता तथा कार्यकर्ताको बाक्लो उपस्थित रहेको लामाले जानकारी दिनुभयो । करिव २ सय जना नेता तथा कार्यकर्ताको सहभागीमा वडा कमिटी गठन गरीएको हो । आजै भएको वडा कमिटी गठनमा बोल्ने क्रममा अधिकांस वक्ताहरुले प्रधानमन्त्री केपी शर्मा ओलील गरेको प्रतिनिधि सभा संसद विघटन संवैधानिक विपरित रहेको र चुनाव तोकिएकै समयमा नहुने र प्रतिनि सभा विगठन गरि देश र जनतालाई भ्रम फैलाएको बताएका थिए ।

त्यसै गरी सोही कार्यक्रममा २१ सदस्यिय सल्लाहकार समिति पनि गठन गरिएको जानकारी प्राप्त भएको छ । सल्लाहकार समितिको संयोजकमा रिक्जेन लामा चयन गरीएको हो ।