सुख्खा रुख ढलेर ढुङगामुढा खस्दा एकजनाको मृत्यु

हुम्लाको मध्ये क्षेत्रमा रहेको सर्केगाड गाउँपालिका सुख्खा रुखले च्यापेर एकजना पुरुषको मृत्युभएको छ । वडा चार दुल्ली गाउँका ३५ वर्षिय प्रेम बहादुर थापाको मङ्बार साँझ खुख्खा रुख ढलेर पहिरो आउँदा त्यसबाट खसेको ढुङ्गामुढा र रुखले च्यापेर मृत्युभएको हो ।

गाउँ नजिक रहेकों दुल्ली प्राथामिक विद्यालयबाट छुट्टी भएर घर फिर्ता हुने क्रममा पहिरा खोला भन्ने स्थानमा रुख ढलेर थापाको मृत्युभएको आफन्त ढिल्ली महताराले जानकारी दिनुभयो । विद्यालय र गाउँको विचमा पर्ने एक घण्टा लाग्ने पहिरा खोला भन्ने स्थानमा थापाको मृत्युभएको जानकारी प्राप्त भएको छ ।

मृतक थापाको पोष्टमार्टमका लागी जिल्ला अस्पतालबाट डाकटर नविन रोकायाको टोली गएकाले पोष्टमार्टम पछि मात्रै अन्त्यष्टि गरिने भएको महतराले जानकारी दिनुभयो । विद्यालयबाट वडा चारमा रहेको घर न्यासीमा फिर्ता हुनेक्रममा थापाको मृत्युभएको हो ।