हिमज्योतीमा प्रअ विवाद मिलेन, विद्यार्थीको आन्दोलन स्थगित, पठनपाठन सुरु

सिमकोट । जिल्लाको मध्य क्षेत्रमा रहेको सर्केगाड गाउँपालिका–४ स्थित हिमज्योती माध्यामिक विद्यालमा नयाँ प्रधानाध्यापक नियुक्तको विवाद अझै सुल्झिन सकेको छैन् । बुधबार बसेको विद्यालय व्यवस्थापन समितिको बैठकले यस अघि प्रधानाध्यपक रहनु भएका सुरेश थापालाई उक्त पदबाट हटाइ कल्पना बुढा (रोकाया) लाई नियुक्त गरेपछि अहिले प्रधानध्यापक पद विवादमा रहेको छ । विद्यालय व्यवस्थापन समिति र गाउँपालिकाले आफ्नो मनोमानी तवरमा प्रधानध्यापक नियुक्त गरेको यसअघिका प्रअ आरोप सुरेश थापाको रहेको छ । य

   तिबेला गाउँपालिका अध्यक्ष ठान बहादुर रोकाया गाउँपालिका बाहिर रहनुका साथै न्यायीक समितिका संयोजक तथा गाउँपालिका उपाध्यक्ष देवकी तिमिल्सिना पनि जिल्ला बाहिर रहेका प्रधानध्यापकको विवाद समाधान हुन नसकेको थापाको भनाई छ । आज आइतबार आफुले न्यायीक समितिका संयोजक जिल्ला बाहिर रहेपनि न्यायीक समितिमा न्याय माग्दै निवेदन दर्ता गरेको बताउनुभयो । एक्कासी नयाँ प्रधानध्यापक नियुक्त गरेपछि यसको विरोधमा आफु मात्रै नभएर विद्यार्थी समेत रहेको उहाँको भनाई थियो । प्रधानध्यापक नियुक्त पहुँचका भरमा भएको हुनाले विरोध जारी रहने बताइएको छ । 

   बुधबार विद्यालय व्यवस्थापन समितिले नयाँ प्रधानध्यापक गाउँपालिका अध्यक्ष रोकाकाकी बुढी कल्पा रोकाया(बुढा) नियुक्त गरेपछि हिमज्योतीमा विहिबार र शुक्रबार विद्यालयमा अध्ययनरत विद्यार्थीले दुई दिन विद्यालय बन्द गरेका थिए । हिमज्योती माध्यामिक विद्यालयमा विगत दश, एघार वर्षदेखि अध्यापन गराउँदै आउनुभएका थापालाई प्रधानध्यापकबाट हटाउन नमिल्नुका साथै उहाँलाई नै प्रधानध्यापक कायम गर्नु पर्ने नारावाजी सहित विद्यालय बन्द गरेका थिए । 

   विगतको वर्षदेखि अध्ययपनमा सरिक रहँदै आउनुभएका प्र.अलाई विद्यालय व्यवस्थापन समितिको निर्णयले बिना गल्ती प्रअबाट हटाउन नहुने भन्दै हिमज्योतीका विद्यार्थी आन्दोलित भएर विद्यालय बन्द गरेका थिए । दुई दिन बन्द भएको विद्यालय आइतबार विहान दश बजेपनि विद्यार्थीले आन्दोलन गर्दै थापालाई प्रधानध्यापक कायम गर्नु पर्ने माग राखेका थिए । तर स्वयम थापाले प्रअको विषयमा आफुले सम्बन्धित पक्षसँग बहस गर्ने भनी विद्यार्थी आन्दोलीत नहुन भनेपछि पुन पठनपाठन सुरु भएको थियो । शिक्षक थापाले सम्झाएपछि विद्यार्थीले आफ्नो आन्दोलन फिर्ता लगेका थिए । त्यसपछि नियमीत पठनपाठन भएको वजानकारी प्राप्त भएको छ । 

   नयाँ नियुक्त हुनु भएकी प्रधानध्यापक गाउँपालिका अध्यक्ष रोकायाकी श्रीमती हुनु हुन्छ । यसले गर्दापनि विद्यार्थी पहुँचका भरमा विना गल्ती नियुक्त गरेको भन्दै पठनपाठन अवरुद्ध पारेर आन्दोलीत भएका थिए ।