सरसरफाई अभियानमा सक्रिय बन्दै युवा क्लब

हुम्ला, भदौ ७। शिब मन्दिर युवा क्लब गाउँ, मन्दिर र माडुको सरसफाई अभियानमा जुटेको छ । सिमकोट गाउँपालिकाका कोसार्वजनिक स्थलहरु फोहोर र दर्गन्धित हुन थाले पछि क्लब सरसफाईमा जुटेको हो ।

क्लबका सदस्यहरु मिलेर गाँउका धार्मिक स्थलहरुमा फोहोर मैलालाई ब्यवस्थापन गर्न सरसफाई कार्यक्रम संचालन गरिएको क्लबका अध्यक्ष सुन्दर रावतले बताए ।

सदरमुकाम सिमकोटको शिब मन्दिर क्षेत्र र बाँडपाल देवताको माडु सरसफाई गर्दा निस्केको १० क्वीन्टल फोहोरलाई ट्याक्टरमा ढुवानी गरेर दुर्गन्ध नहुने गरि गाडिएको रावतले रेडियो कर्णाली आवाजलाई जानकारी दिए ।

यही भदौ १० गतेको जनै ९ साउने ० पुर्णिमालाई केन्द्रित गरेर सरसफाई गर्ने निर्णय केही दिन अघि क्लबको बैठकले गरेको थियो । सरसफाइबाट क्लवले ६ ट्याक्टर ढुगां ओसारेर हिलाम्मे बाटोमा बिछेयाउने काम पनि गरेको कार्यबहाक अध्यक्ष समेत रहेका रावतले बताए । निक्कै फोहोर भएको गाउँमा सरसफाई गर्दा सबै घर आँगन सफा र हिलाम्मे बाटोमा हिड्न पनि सहज भएको वडा सचिब धर्मराज रोकायाले बताए । युवाको यो प्रशंसनीय कार्य भएको उनले बताए ।

जिल्ला सदरमुकाम रहको सिमकोटमा ज्यादै फोहोर भए पछि क्लबका सदस्यहरुलाई परिचालन गरिएको सिमकोट ५ वडा कार्यालयले जनाएको छ ।
सरसफाइका अवसरमा प्रत्येक घरधुरीलाई फोहोरलाई जथाभाबी नफाल्न पनि वडा कार्यालयले निर्देशन दिएको सिमकोट ५ का वडाअध्यक्ष कृष्ण बोहराले बताए । उनका अनुशार अटेर गरेर फोहोर फाल्ने घरधुरीको पहिचान गरेर वडाबाट जाने सेवा र सुबिधा रोक्का समेत गरिने छ ।
सरसफाइ कार्यक्रममा शिब मन्दिर क्लबका ९० भन्दा बढि सदसयहरुको सहभागिता रहेको थियो ।