बन्दाबन्दीको समयमा अतिविपन्न परीवारलाई खाद्यान्‍न सहयोग

जिल्लाको सिमकोट गाउँपालिका वडा सातका दुई सय ५० घरधुरीलाई लकडाउनको समयमा खाद्यान्‍न राहत वितरण गरीएको छ ।

हुम्लामा कोरोना संक्रमितको संख्यामा वृद्धिभएपछि डिसिसिएसिले तेस्रो पटक पनि निषेधाज्ञा गरेपछि बन्दाबन्दीमा परेका नागरीकलाई डाडाफया गाउँका स्थानीय बलिविर शाहीले खाद्यान्‍न सहयोग गरेका हुन् ।

वडा ७ डाडाफया गाउँका स्थानीय बलिविर शाहीले आफ्नो व्यक्तिगत सहयोगमा बन्दाबन्दीले आर्थिक अवस्था कम्जोर भएका डाडाफया गाउँका नागरीकलाई आज खाद्यान्‍न सामाग्री वितरण गरेका हुन् ।

शाहीले अतिविपन्न लाई दुई बोरा चामल, एक पोका तेल, दुई चक्की हातमुख धुने सावुन् सहयोग हुन भने मध्यम खालका घरपरिवारलाई एक बोरा चामल र गाउँका अन्य बाँकी घरधुरीलाई एक घरपरिवार वापत १५ केजी चामल, एक पोका तेल, दुई चक्की हातमुख धुने साबुन निशुल्क सहयोग पाउँदा खुसि लागेको स्थानीय विर बहादुर सिंहले बताउनुभयो ।

आजै मध्यम खालका परीवारलाई १ बोरा, अति विपन्न परीवारलाई दुई बोराका दरले खाद्यान्‍न वितरण गरीएको हा । करिब दुई हप्ता देखिको निषेधाज्ञाले गाउँबाहिर आन्तरिक काम गर्न नपाएर, दैनिकी चलाउन समस्यामा परेका तथा आर्थिक अवस्था कम्जोर भएका डाडाफयाका नागरीकलाई केही राहत मिलेको छ ।

मर्दापर्दा चाहिने गाउँका नागरीक नै भएकाले यो बन्दाबनन्दीको समयमा आफुले चामल, तेल र सावुन सहयोग गर्न पाउँदा अलिकती भएपनि उनिहरुलाई राहत मिलेको शाहीले बताउनुभयो ।

बन्दाबन्दीको समयमा हातमुख जोड्न समस्या भएको बेला खाद्यान्‍न राहत पाउँदा खुसि भएको यहाँका स्थानीयले बताएइका छन् ।
यस्तै पाम्लाथुङ, चौगनफाय, र धारापोरी गाउँका नागरीकलाई खाद्यान्‍न राहत केही दिनपछि वितरण गरीने भएको उहाँले बताउनुभयो ।