बरामद गरिएका औषधि सिमकोट गाउँपालिका द्धारा नष्ट

हुम्ला । सदरमुकाम सिमकोट बजारमा सञ्चालीत औषधि पसलहरुबाट बरामद गरिएका औषधि सिमकोट गाउँपालिकाले आज नष्ट गरेको छ । सदरमुकाममा सञ्चालीत औषधि पसलहरुले कालोबजारी गर्नुका साथै बिचौलीयाको हाबी भएको भन्ने जनगुनासो आएपछि बिहिबार गाउँपालिकाले अनुगमन गरेको थियो । 
सि.पि औषधि पसलमा डाक्टरको अनुमतिमा प्रयोग गरिने ट्रामाडोल (TRAMA) चार सय ट्याब्लेट औषधि भेटिएको थियो ।

यस्तै हेल्थ अस नेपाल(HealthUSNepal)  मेडिकल सेन्टर फार्मेसीमा पनि डाक्टरको अनुमतिमा प्रयोग गरिने फेनाइटोन चार सय दश, फोलोफाजेपाइम चार सय दश टाब्लेट बरामद गरिएको थियो । भने अनुगमनमा भेटिएका ती सबै औषधि विहिबार बराद गरेर आज शुक्रबार एक मुचुल्का उठाएर गाउँपालिकाले आफ्नो कार्यालय अगाडी नष्ट गरेको स्वास्थ्य संयोजक भण्डारीले जानकारी दिनुभयो । गाउँपालिका जनप्रतिनिधि,जिल्ला समन्वय समिती, जिल्ला प्रशासन, सञ्चारकर्मी, स्वास्थ्य कार्यालय र स्वास्थ्यकर्मीहरुको रोबहरमा जलाएर नष्ट गरिएको हो । 

ती मेडिकलमा मनपरी औषधि बेचेको, एक व्यक्तिको लाइसेन्समा अर्को व्यक्तिले मेडिकल खोलेर बसेको, औषधि र क्लिनिकको अनुमति नलिइ सञ्चालनमा भेटिएका थिए ।