पाँच मासु पसलको अनुमगन

सिमकोट । हुम्लाको सदरमुकाम सिमकोटमा सञ्चालनमा रहेका मासु पसल मध्ये आज पाँच वटा मासु पसल अनुगमन गरिएको छ । उद्योग तथा उपभोक्ता हित संरक्षण कार्यालय हुम्लाद्धारा शुक्रबार सदरमुकाममा रहेका पाँच मासु पसलको अनुगमन गरिएको हो । 

   सोही कार्यालयका प्रमुख श्री बहादुर विष्टको नेतृत्वमा एर्पोट चोकमा रहेको दुई कालिन्चोकमा एक र काठेचुलीमा रहेका दुई वटा गरी पाँच वटा मासु पसलको अनुगमन गरिएको जानकारी प्राप्त भएको छ । अनुगमनका क्रममा सबै जसो मासु पसलमा खासै कम्जोरी नदिएको भएपनि अकिांस पसलमा भने साइनबोर्ट पुरानो, नविकरण नगरेको लगायतका भेटिएको कार्यालयका प्रमुख विष्टले बताउनुभयो । मासु राख्ने बथस्थल र मासुमा कम्जोरी नभेटिएको बताइएको छ । सिमकोटमा बोइल कुखुरा मासुको प्रति केजी रु सात सय रुपैंयामा विक्री हुँदै आएको छ । 

    केही कागजात नपुगेका मासु पसललाई एकपटक सुध्रिने मौका दिएको समयमै सोमबारसम्म निर्देशन दिइएको छ । मासुको मूल्य सूचि टाँस नगरेका पसललाई चाडो मूल्य सूचि टाँस गर्न जानकारी दिइएको विष्टले बताउनुभयो । 
     अनुगमनमा सम्बन्धित मासु पसल सञ्चालकलाई ढक, तराजु नापतौल विभागमा नवीकरण गर्न, एप्रोन सफा हुनुका साथै मास्कको प्रयोग गर्न, मासु झिङ्गाले नभन्किने गरी जालीले छोपेर राख्न र मासु काट्न प्रयोग गरिने औजार, भाँडावर्तन सफा राख्न, मूल्यसूची राख्न र म्याद नाघेको मिति स्पष्ट देखिने गरी राख्न निर्देशन दिएको हो । साथै पैदल मार्ग भएर आउने मासुलाई थप व्यवस्थीत गरेर विक्री गर्न निर्देशन दिइएको छ । 

   सदरमुकाम सिमकोटमा रहेका सनम किराना एण्ड मासु पसल, सुनिल फ्रेस हाउस, शान्ति जनरल स्टोर, छात्तिकोट जनरल स्टोर, रिदम फ्रेस हाउस यि पाँच वटामा अनुगमन गरिएको हो । शुक्रबार भएको अनुगमनमा उद्योग बाणिज्य संघ हुम्लाका उपाध्यक्ष छक्क रोकाया, जिल्ला प्रकाशसन कार्यालयका ज्ञानी सुनार, सुरक्षाकर्मी, सञ्चारकर्मी लगायतको सहभागीता रहेको थियो ।