विमानस्थलको हिउँ पन्छाएपछि हवाइ सेवा सुचारु

सिमकोट । एक मात्रै छोटो दुरीको अन्तर जिल्ला जोड्ने हवाई सेवाले आफ्नो उडान भरेका छन् । श्ुक्रबार विहान विमानस्थलमा जमेको हिउँ पन्छाउने कार्य सम्पन्न भएपछि हवाई सेवा सञ्चालनमा आएको सिमकोट विमानस्थलका प्रमुख महेन्द्र सिंहले बताउनुभयो । बिहिबार विहानदेखि जिल्लामा हिमपात भएपनि मध्यान्हको समयमा गाडीले हिमपात हुन रोकिएपछि थोरै पन्छाएको उहाँले बताउनुभयो । 

   पुन शुक्रबार विहान गाडी, नेपाली सेना, सशस्त्र प्रहरी बल, नेपाल प्रहरीले विमानस्थलको रन वे, पार्किङस्थल लगायतका क्षेत्रको हिउँ पन्छाएपछि हवाई सेवा सञ्चालनमा आएको हो । रन वे, पार्किङस्थलमा विगतका वर्षहरु जस्तो बाक्लो हिउँ नजम्ने भएका कारण थोरै जमेर पन्छाउन र हवाई उडान हुन सजिलो भएको बताइएको छ । 
   हिउँ पन्छाउने कार्य सम्पन्न भएपछि नेपालगञ्जबाट सीता र समिट एयरले आफ्नो उडान भरेको विमानस्थल प्रमुख सिंहले बताउनुभयो । समिट एयरले नेपालगञ्जबाट एक फलाइट र सीता एयरले दुई फलाइट गरेको जानकारी प्राप्त भएको छ । सीता एयरले एक नेपालगञ्ज र एक फलाइट सुर्खेत गरेको विमानस्थले स्रोतले जानकारी दिएको छ । दुवै जहाजले यात्रु सहित विभिन्न ढुवानीका सामग्री ओसारेको बताइएको छ । सीता एयरले भने नुन र यात्रु ढुवानी गरेको जानकारी प्राप्त भएको छ । 

   यस्तै हिमपातले सदरमुकाम सिमकोटदेखि आवतजावत गरिरहेका छोटो दुरीका सवारी साधन अवरुध भएका छन् । हिमपातले यातायातका साधनपनि सञ्चालनमा आउन नसकेका हुन् । कतै बरफ र कतै हिउँ जमेका कारण कारण सञ्चालनमा आउन नसकेको बताइएको छ ।