आलु चिप्स बनाउन सिक्दै हुम्लाका महिला

उच्च हिमाली जिल्ला हुम्लामा आजबाट सात दिनका लागी आलु चिप्स बनाउने तालिम शुरु भएको छ । हुम्लामा सहजै पाइने आलुको चिप्स बनाउने तालिम जिल्ला सदरमुकाम सिमकोटमा सोमबारबाट सन्चालनमा आएको छ । स्वास्थ्यका दृष्टिले उत्तम मानिने र तरकारीको राजा भनि चिनिने आलु चिप्स बनाउने तालीम सुरु भएको छ ।

सिमकोट गाउँपालिका वडा नं. १, २ र ३ का सात जना महिलाहरुको सहभागिता रहेको छ । उनीहरु ठेहे, दोजाम र बरगाँउका स्थानिय महिला हुन् ।
गाउँ घर देखि शहर बजार सम्म महंगो मुल्यमा विक्रि हुने आलुको आलु चिप्स बनाउन सिकाएको खण्डमा घरमै बसी बसी राम्रो आम्दानीको हुने भएको देखिन्छ ।

सात दिन सम्म सञ्चालन हुने तालीममा आलुको चिप्स बनाउने विधिका बारेमा सिकाउनुका साथै बजारिकरणको सम्भाव्यता अध्ययनको खोजी गर्न सिकाइने स्नोल्याण एकिकृत विकास केन्द्रका लघुउद्योग विकास अधिकृत गौरब अधिकारीले बताए ।

तालिमको आर्थिक सहयोग उधोग तथा उपभोक्ता हित संरक्षण समितिको र प्राविधिक सहयोग स्नोल्याण एकिकृत विकास केन्द्र हुम्लाको रहेको छ । तालिमको आज उत्घाटन गरिएको हो । उद्घाटन कार्यक्रमको अध्यक्षता स्नोल्याण्ड एकिकृत विकास केन्द्रका कार्यकारी निर्देशक गोविन्द बहादुर शाहीको रहेको थियो भने उद्योग उपभोक्ता हित संरक्षण सिमितका प्रमुख धुर्वकुमार बाठामगरको उपस्थित रहेको थियो ।