राससकर्मी रावत सम्मानीत 

सिमकोट । प्रेस सेन्टर नेपालको २१ औं स्थापना दिवसमा राष्ट्रिय समाचार समिति (रासस) हुम्लाका सम्वाददाता हरी बहादुर रावत सम्मानीत हुनु भएको छ । प्रेस सेन्टर हुम्ला शाखाले आफ्नो स्थापना दिवसको अवसरमा राससकर्मी रावतलाई सम्मान गरेको हो । 

   पत्रकार महासंघको स्थापना कालदेखिका सदस्यका साथै लामो समयदेखि हुम्लामा पत्रकारीता गर्दै आउनुभएका रावत सम्मान गरिएको प्रेस सेन्टर हुम्लाका अध्यक्ष तीलसरा विकले बताउनुभयो । रावतको लामो समयको पत्रकारिता क्षेत्रमा रहँदै आएको भूमिका लगाव,त्याग, मेहनतलाई कदर गर्दै सम्मानीत गरिएको हो । 

    नेकपा माओवादी केन्द्रका जिल्ला पार्टी सचिव धर्मराज बोहराले सम्मान पत्र प्रदान गरेर रावतलाई टिका लगाएर सम्मान गर्नुभएको थियो । साथै सम्मानीत रावतलाई खादा पनि लगाईएको थियो । रावत हुम्ला जिल्लाका जेष्ठ पत्रकार पनि हुन ।

  स्थापना दिवसको अवसरमा नेकपा माओवादी केन्द्रका जिल्ला सचिव धर्मराज बोहराले शुभकामना मन्त्व्य दिदै पत्रकारिता क्षेत्रलाई जिम्मेवार बन्नका लागि सुझाव दिनुभएको हो । पत्रकारिता क्षेत्रले धेरै कुराको मार्ग दर्शन गर्न सक्ने भएको कारण समाज परिवर्तनको संबाहक बन्नका लागि जिल्लाका संचारकर्मीहरुलाई नेकपा माओवादी केन्द्रका सचिव बोहराले लाग्न आग्रह गर्नुभएको छ । कतिपय कुरा राज्य गर्न नसकेको कुरा पत्रकारको कलमबाट पनि गर्न संभव देखिने भएको कारण जिल्ला बिकासका लागि पत्रकारिता जगत सधै सजक र सचेत रहनु पर्ने सचिव बोहराले बताउनुभयो । पत्रकारिता पनि समाज परिवर्तनकै लागि गरिने भएकोले निष्पक्ष र स्वतन्त्र रुपमा कलम चलाएर सबैलाई सधै सचेत बनाउने कार्य पत्रकार लाग्नु पर्ने उहाँको भनाई थियो । 

   नकेपा माओवादी केन्द्र कर्णाली प्रदेशका सदस्य जसबहादुर भण्डारीले जिल्लामा पत्रकारिता क्षेत्र केही अंशमा मोल मोलाईमा लागेको बताउदै त्यसलाई सुधार गर्न आवश्यक रहेको बताउनुभयो । समाजमा भई रहने हरेक कुराको जानकारी पत्रकारिताबाटै सवैले जानकारी पाउने भएको कारण सन्तुलित र निष्पक्ष सामाग्री प्रकाशन तथा प्रशारण गर्नु आवश्यक रहेको प्रदेश सदस्य भण्डारीको भनाई थियो । 

   पत्रकार महासंघका अध्यक्ष राजन रावतले पत्रकारिता गर्दा दलीय आस्था भन्दा माथि उठेर काम गर्नु पर्ने बताउनुभयो । प्रेश सेन्टरका केन्द्रीय सचिव अर्जुन बोहरा हालसम्म प्रेश सेन्टरको सांगठानिक प्रतिबेदन प्रस्तुत गर्नुभएको थियो । कार्यक्रममा प्रेश सेन्टर हुम्लाकी अध्यक्ष तिलसरा बिक, नेपाल राष्ट्रिय निजामति कर्मचारी संगठनका केन्द्रीय सदस्यले पनि आफ्नो भनाई राखेका थिए । यस्तै प्रेश सेन्टर नेपाल हुम्लाले आफ्नो स्थापना दिवसको अवसरमा राससकर्मी हरि बहादुर रावतलाई सम्मान गरेको छ ।