न्युन आयश्रोतभएका दलित घरपरिवार चामल राहत

जिल्लाको सिमकोट गाउँपालिका वडा तीनका न्यून आयश्रोत भएका दलित घर परिवारलाई राहत वितरण गरीएको छ । वडाध्यक्ष ताक्ला जिक्मेत लामाको उपस्थितमा कैलाश बोर्डिङ् स्कुलका प्रिन्सीपल छवाङ् लामाको हातबाट न्युन आयश्रोत भएका वडा तीन बरगाउँका दलित घर परिवारलाई चामल,तेल, चिनी सावुन सहयोग गरीएको छ ।

वडा तीनको बरगाउँ, लिमाटाङ्ग, हुटीक तोर्पामा बस्दै आएका ३६ दलित घर परिवारलाई राहत वितरण गरिएको हो । एक घरपरिवारलाई १५ केजी चामल, आधा लिटर तेल, चिनी र हातमुख धुने सावुन वितरण गरीएको हो ।

आजै वितरण गरीएको राहत छवाङ्ग लामा र बाशु अधिकारीको पहलमा डा. प्रदिप जोशीको आर्थिक सहयोगमा वितरण गरीएको हो ।

सिमकोट गाउँपालिकाले न्युन आयश्रोत भएका दलित परिवारलाई राहत वितरण गर्न अुनमति दिएपछि आजै वितरण गरीएको हो ।

१५ केजी चामल भएपनि यो बन्दाबन्दीको समयमा सहयोग गरेकोमा दलजित कामीले खुसि व्यक्त गरेका छन् । कामीले भने १५ केजी भएपनि केही दिनको छाक टर्ने भएको छ, सहयोगीहरुलाई धन्यावद समेत दिए ।