उन्नाइस सय भेडाबाख्रालाई पीपीआर विरुद्धको खोप लगाइयो 

सिमकोट । हुम्ला जिल्लाको सिमकोट गाउँपालिका वडा नम्बर आठमा भेडा बाख्रालाई पिपि आर विरुद्धको खोप लगाइएको छ । आजबाट सिमकोट गाउँपालिकामा भेडा बाख्रामा लाग्ने रोग पीपीआर विरुद्धको खोप अभियान शुरु गरिएको छ । सिमकोट गाउँपालिका पशु सेवा शाखाकोे आयोजना खोप अभियान शुरु भएको हो पशु सेवा शाखाका नायव पशु स्वास्थ्य प्राविधिक बिष्णु बुमिले जानकारी दिनुभएको छ ।

आज वडा नम्बर आठको याङगु र साँतामा २५ घरधुरीका १९ सय भेडा बाख्रालाई यो खोप लगाइएको बुमिले बताउनु भएको छ ।  भेँडा बाख्रालाई पिपिआर रोगबाट सुरक्षित राख्न कुनै कसर खोप लगाउन सुरु गरिएको बताइएको छ । भेडा बाख्रामा कडा ज्वरो आउने, सिँगान बग्ने, आँखामा ¥याल काढ्ने, चिप्रा (कचेरा) देखिने, छेर्ने, मुख तथा गिजामा पानीफोका जस्ता घाउ आउने र घाँस खान मन नलाग्ने रोगको रोकथामको लागी पिपिआर बिरुद्धको भ्याक्सिन लगाइएको हो । यसैगरी वडा नम्बर आठका बाँकी रहेका गाँउमा भोली लगाइने भएको प्राविधिक बुमिले जानकारी दिनुभएको छ ।