हावाहुरीले लामालेख विद्यालयको जस्तापाता उडायो

हुम्लाको दक्षिण भेगमा रहेको चंखेली गाउँपालिका–६ स्थित गाउँको लामालेख प्राथमिक विद्यालय मासिधारामा हावाहुरी चल्दा विद्यालयको एक भागको जस्तापाता उडाएको छ । मङ्गलबार चलेको हावाहुरीका कारण उक्त विद्यालयको बायाँपट्टीको भागको टिनले छाएको सबै जस्तापाता हावाहुररुीले उडाएको सोही विद्यालयका शिक्षक हिरबहादुर शाहीले बताउनुभयो ।   शिक्षक शाहीका अनुसार, टिनले छाएका सबै जस्तापाता उडाएको र विद्यार्थीको पठनपाठनमा समस्या बनाएको बताउनुभयो । विद्यालयको छानो उडाउँदा विद्यार्थीको पढाइमा समेत बाधा पुगेको छ । बालविकास देखि कक्षा पाँचसम्म लामालेख प्राथमिक विद्यालयमा पठनपाठन हुँदै आएको छ । हावाहुरीले विद्यालयको जस्तापातामा क्षति गरेको भएपनि अन्य मानविय क्षति हुन नसकेको बताइएको छ । जस्तापाता उडाउँदा विद्यार्थीमा क्षति हुनबाट जोगिएको बताइएको छ । प्रहरी टाढा भएकाले प्रहरीको मुचुल्का गरेपछि मात्रै क्षतिको विवरण बताउन सकिने विद्यालय प्रशासनले बताएको छ ।