११ दिन पछि सुत्केरी व्यथा लागेका ऐडिको हेलिकप्टरबाट उद्धार

जिल्लाको तल्लो क्षेत्रमा रहेको चंखेली गाउँपालिका देखि गर्भवती महिलाको हेलिकोप्टरबाट उद्धार गरी जिल्ला अस्पताल हुम्ला पुरÞ्याइएको छ ।
चंखेली गाउँपालिका वडा ३ ऐडीबाडाकी २७ वर्षीया कार्तिकी ऐडीलाई सुत्केरी व्यथा लागेको ११ दिन पछि बच्चा जन्माउन नसकेपछि जिल्ला अस्पताल हुम्ला ल्याइएको हो ।

जिल्लाबाट गएका स्वास्थ्य सेवा कार्यालय प्रमुख प्रेम सिंह र जिल्ला अस्पताल हुम्लाका सिनियर अनमी सरिता बोहराले ऐडीको उद्धार गरी अस्पताल ल्याएको जानकारी प्राप्त भएको छ ।

ऐडीलाई २४ जेठ बिहान ९ बजेदेखि सुत्केरी बेथा लागेको थियो । बेथा लागे पनि बच्चा जन्माउन नसकेपछि हेलिकप्टर बोलाएर उद्धार गरी अस्पताल ल्याएको उनका श्रीमान् भैरव ऐडीले बताउनुभयो ।

कार्तिकी ऐडीको पेटमा पानी कम भएपछि समस्या भएको जिल्ला अस्पताल हुम्लाका सूचना अधिकारी भक्ति फडेराले जानकारी दिनुभयो ।