मर्यादित महिनावारी स्वच्छता सम्बन्धि सिमकोटमा देउडा प्रतियोगीता

हुम्लाको सदरमुकाम सिमकोटमा विहिबार महिनावारी स्वच्छता सम्बन्धि देउडा गीतमार्फत सचेतना कार्यक्रम गरिएको छ । सिमकोट गाउँपालिका वडा नम्बर पाँच तल्लो गाउँमा रहेको चौपाडीमा विहिबार देउडा आयोजना गरी यस सम्बन्धि सचेतना गराइएको जानकारी प्राप्त भएको छ । सुस्वाको आर्थिक सहयोगमा र सांस्कृतिक संरक्षण समाजको समन्वयमा सिमकोट तल्लो गाउँको चौपाडीमा देउडा गीत मार्फत महिनावारी स्वच्छता सम्बन्धि सचेतना गराइएको सिमकोट गाउँपालिका सुस्वाका देव भण्डारीले बताउनुभयो ।
आजै भएको उक्त कार्यक्रममा सिमकोट तल्लो गाउँ, माथिल्लो गाउँ, ठेहे, लगायतका महिलाहरुको सहभागीता रहेको थियो । महिनावारी स्वच्छता सम्बन्धि भएको देउडा आयोजनामा सहभागी महिलाले आफुहरुको पिर, व्यथा, छाउँ हुँदा घरबाहिर बस्नु परेको लगायतका गीत समेटेर सवाल जवाफ दिएको सांस्कृति संरक्षण समाजका अध्यक्ष तीर्थराज रोकायाले बताउनुभयो । सांस्कृत संरक्षण समाज हुम्लाका सल्लाहकार तुलसिंह रावतको अध्यक्षतामा र सिमकोट गाउँपालिका प्रमुख प्रशासकीय अधिकृत वर्ष बहादुर फडेराको प्रमुख आथित्यमा उक्त कार्यक्रम सम्पन्न भएको हो । सुस्वाले महिनावारी सम्बन्धि सिमकोट गाउँपालिकामा रहेका प्रत्येक वडामा कार्यक्रम सञ्चालन गर्दै आएको जानकारी प्राप्त छ । यस्तै आजै भएको उक्त कार्यक्रममा सहभागी महिलाहरुलाई प्रतिसप्रधा नगरी सबै टिमका प्रत्येक महिलालाई  सरसफाइका सामग्री एक एक पिस प्याड र एक एक चक्की साबुन सहयोग गरिएको भण्डारीले बताउनुभयो ।