हुम्लीको विकास अधिकारमा जनताको सञ्चार माध्याम बनेको रेडियो कर्णाली १४ वर्षमा प्रवेश

सिमकोट ।       हुम्लामा २०६९ साल असार एक गते दिउँसो एक बजे स्थापना भएको रेडियो कर्णाली आवाज आजबाट चौध वर्षमा प्रवेश गरेको छ । रेडियो सञ्चालक समितिका सदस्य नाग्म्याल तामाङको अध्यक्षतामा सञ्चालन भएको कार्यक्रम आइतबार विहान आठ बजे केक काटेर वार्षिक उत्सवक मनाइएको थियो । 

रेडियोको बार्षिक उत्सवका अवसरमा आईतबार बिहान केक काटेर एक कार्यक्रमको आयोजना गरि बार्षिक उत्सव मनाईएको हो । निक्कै उतारचढापका बिच रेडियोले सञ्चार क्षेत्रमा उल्लेखनीय कार्य गर्नुका साथे अझै निष्पक्ष र स्वतन्त्र हुनु पर्ने वार्षिक उत्सव कार्यक्रममा सहभागी विभिन्न वक्ताहरुले सुझाव दिनुभएको थियो । 

यस रेडियो कर्णाली आवाजको वार्षिक उत्सवका अवसरमा सिमकोट गाउपालिका अध्यक्ष विजय भण्डारी, खार्पुनाथ गाउँपालिकाका अध्यक्ष कर्णबहादुर रावल, प्रमुख जिल्ला अधिकारी नारायण पाण्डेय, सिमकोट गाउँपालिका उपाध्यक्ष सुशिला रोकाया, प्रहरी नायव उपरिक्षक शंकर पोखरेल, काँग्रेस उपसभापति बसन्त रोकाया, एमाले अध्यक्ष ज्ञानी बुमी, माओवादी केन्द्रका सचिव धर्मराज बोहरा, उद्योग बाणिज्य संघका अध्यक्ष रामबहादुर भण्डारी, पत्रकार महासंघका अध्यक्ष राजन रावत, प्रेश युनियनका अध्यक्ष राज शाही, प्रेश सेन्टरका भक्ताराज ऐडी लगायतले शुभकामना दिनुभएको थियो ।  

वार्षिक उत्सव कार्यक्रममा चौध वर्षसम्म आइपुग्दा रेडियो कर्णाली आवाजले यहाँका जनताको आवाज मुखरित गर्नुका साथै विभिन्न समयमा गरेका कार्यको रेडियोका स्टेसन म्यानेजर नवराज महताराले भिडियो, अडियो प्रतिबेदन पनि प्रस्तुत गर्नुभएको थियो । 
यस्तै कार्यक्रम अध्यक्ष तथा रेडियो सञ्चालक समितिका सदस्य नाग्म्याल तामाङले हुम्ला जस्तो दुर्गम जिल्लामा रेडियोले महत्वपूर्ण भूमिका खेलेको बताउँनु भयो ।