हप्ता दिनदेखि साँता गाउँ अन्धकार, सम्बन्धित पक्षको ध्यान पुगेन्

सिमकोट । हुम्लाको सिमकोट गाउँपालिका–८ साँतामा हप्ता दिनदेखि विद्युत सेवा अवरुद्ध हुँदा यहाँका नागरीक अन्धकारमा बस्दै आएका छन् । हप्ता दिनदेखि अवरुद्ध भएको विद्युत सेवा सुचारुका लागि सम्बन्धित कार्यालय हेल्दुम वितरण केन्द्र सिमकोटलाई जानकारी गराउँदा कुनै वास्ता नगरेको यहाँका स्थानीयवासिको गुनासो छ । 

   विद्युतको अनियमीतले यहाँका नागरीकलाई थप समस्या बनाएको बलभद्र आधारभूत विद्यालयका शिक्षक पेमाथुकाथ तामाङले बताउनुभयो । नियमीत रुपमा नआउने विद्युत सेवा, कहिले आधा लाइन आउने त कहिले अत्यधिक भोल्टेज आउने समस्याका साथै घरमा जडान गरिएका बल्बहरु जरेर नष्ट हुने गरेको शिक्षक तामाङले बताउनुभयो । विहान बेलुकाको समयमा आधा लाइन मात्रै विद्युत उपलब्ध हुँदै आएको छ । यसले गर्दा बल्बहरु फिउज मात्रै जानुका साथै मोबाइल, ल्याप्टप लगायतका विद्युतीय सामग्री चार्ज गर्न नमिल्ने भएको यहाँका स्थानीयको गुनासो छ ।

    विद्युत सेवा नहुँदा साँताका प्रत्येक घर, विद्यालय, स्वास्थ्यचौकी सहित अन्य सार्वजनिक सेवामा प्रभावित बनाउनुका साथै समस्या बनाएको छ । विद्युत नहुँदा अनलाइन कक्षा तथा ई पुस्तकालय सञ्चालन गर्न नसकिएको जानकारी प्राप्त भएको छ । कम्प्युटरबाट हुने सबै काम पनि ठप्प छ । विद्यार्थीहरूको रातीको समयमा गृहकार्यमा थप प्रभावित बनाइरहेको छ । विद्युत सेवा नहुँदा यहाँका नागरीकले पुरानै सल्लाहको दियालोका भरमा रात कटाउँदै आउनु परेको गुनासो पोखेका छन् । 

    विद्युत सेवा अवरुद्ध भएको विषयमा नेपाल विद्युत प्राधिकरण र हेल्दुम वितरण केन्द्रका कार्यालय प्रमुखलाई यहाँका स्थानीयले जानकारी गराउँदा पनि कुनै सुनुवाई नभएको बताइएको छ । 

   यता नेपाल विद्युत प्राधिकरण सिमकोटका कार्यालय प्रमुख जितेन्द्र शाहका अनुसार आफुलाई विद्युत अवरुभ भएको विषयमा कुनै जानकारी नआएको बताउनुभयो । तर साँता गाउँमा विद्युत सेवा अवरुद्ध भएको विषयमा प्राधिविक पठाएर अवरुद्ध भएको सेवा तत्काल मर्मत गर्नुका साथै सेवा सुचारका लागि प्रक्रिया बढाईने प्रमुख शाहले बताउनुभयो ।