हुम्लामा मनाइयो विश्व स्तनपान सप्ताह

सिमकोट । हुम्लाको सदरमुकाम सिमकोटमा विश्व स्तनपान सप्ताह मनाइएको छ । हरेक वर्ष अगस्ट १ देखि ७ तारिखसम्म विश्वभर स्तनपान सप्ताह मनाउने गरिन्छ । यसको सुरुवात विश्व स्वास्थ्य संगठन र युनिसेफको आह्वानमा सन् १९९० देखि भएको हो । जिल्ला सदरमुकाम सिमकोटमा र्याली निकाली एक कार्यक्रमको आयोजना गरी मनाइएको हो । स्तनपानको महत्व र फाइदाका बारेमा जानकारी गराउँदै यो दिवस मनाइएको सिमकोट गाउँपालिका स्वास्थ्य संयोजक नर बहादुर भण्डारीले बताउनुभयो । 

सिमकोट गाउँपालिका, एसआइडिसि, स्वास्थ्य सेवा कार्यालय, एमडिआइ नेपाल, वान हर्टको आयोजनामा विश्व स्तनपान सप्ताह मनाइएकोहो । विश्व स्तानपान सप्ताहमा जिल्ला सदरमुकाम सिमकोटमा रहेका शिशु र आमा बुदैको स्वास्थ्यमा ख्याल कसरी गर्न सकिन्छ भन्ने बारेमा जानकारी गराइएको थियो । यस्तै महिला स्वास्थय स्वयम सेविकालाई बोलाएर उनीहरुलाई स्तनपानका विषयमा जानकारी गराइएको थियो । 

स्तनपानले बालबालिकामा लाग्ने रोग प्रतिरोधात्मक क्षमता बढ्नुका साथै पुड्कोपना, कुपोषण, होचोपना लगायतका रोगबाट बचाउने गर्दछ भन्ने जानकारी गराइएको हो । स्तनपानले आमालाई गर्भ निरोधकको रुपमा समेत काम गर्छ । शिशुलाई स्वास्थ्य वृद्धि विकास, सम्पूर्ण आहारा, पानीको स्रोतका रूपमा आमाको दूध रहेको छ भन्ने विषयमा जानकारी गराइएको स्वास्थय सेवा कार्यालयका प्रमुख उमाकान्त तिवारीले बताउनुभयो । विश्व स्तनपान सप्ताहको अवसरमा आमा र बच्चा दुवैलाई कुनै रोग लागेको छ वा छैन् भनेर उनीहरुको स्वास्थ्य परीक्षण समेत गरिएको थियो । उनीहरुमा त्यस्तो खालको रोग नदेखिएको प्रमुख तिवारीले बताउनुभयो ।