अन्तराष्ट्रिय युवा दिवसको अवसरमा शिब मन्दिर सरसफाई

सिमकोट  । अन्तराष्ट्रिय युवा दिवसको अवसरमा सिमकोट गाउँपालिका– ५ को शिब मन्दिरमा सरसफाई गरिएको छ । शिब मन्दिर क्षेत्रमा फोहोर बढ्दै जाँदा दुर्गन्धित हुन थालेपछि मङ्गबार सरसफाई गरिएको हो । अन्तराष्ट्रिय युवा दिवसको अवसरमा फोहोर बढ्दै गएको शिब मन्दिर परिसरमा सरसफाई गर्ने कार्य भएको नेपाल ट्रेड युनियन काँग्रेस हुम्लका कअध्यक्ष राजन रावत बताए ।

ट्रेड युनियन काँग्रेसमा हरेका जिल्ला युवा समितिहरु पनि गठन गरिएका छन । ट्रेड युनियनको आयोजना र समितिको समन्वयमा सरसफाई कार्यक्रम गरिएको हो । खाली गोष्ठी र अन्र्तकृया गर्नु भन्दा पनि रचनात्मक कार्य गर्ने उद्धेश्यले मन्दिर क्षेत्रको सरसफाई गरिएको उहाँले बताउनुभयो ।

मानसरोवर कैलाशको दर्शन गर्ने भारतीय पर्यटकहरु सिमकोट आउने क्रममा शिब मन्दिरको दर्शनका लागि जाँदै आउनु भएको छ । पर्यटकहरुले पनि मन्दिर क्षेत्र फोहोर भएको गुनासो गर्दै आउनु भएको थियो । मन्दिर परिसरबाट सङ्कलन भएको फोहोर बोरामा हालेर शुक्रबार ट्याक्टरले डम्पिङ साईटमा लैजाने भएको कारण बजारमा लगेर राखिएको छ ।

सरसफाई गर्नका लागि नेपाली काग्रेसका प्रदेश कार्य समितिका सदस्य जयपति रोकाया, उपसभापति बसन्त रोकाया, सचिव कृष्णबहादुर बोहरा लगाएतको सहभागिता रहेको थियो ।