हुम्लाको चंखेलीमा जिप दुर्घटना, तीन जनाको घटनास्थमै मृत्यु, घाइतेलाई थप उपचारका लागि हेलिकोप्टरमार्फत सुर्खेत लगियो

हुम्लाको चंखेली गाउँपालिका ४ को देसीखोलामा जिप दुर्घटना भएको छ ।  शुक्रबार बिहान देसीखोलामा जिप दुर्घटना हुदा तिन जनाको घटनास्थलमै मृत्यु भएको छ ।  आज बिहान बोलेरो जिप हुदा मृत्यु हुनेमा चंखेली गाउँपालिका– ६ का मनबीर बुढा, सिमकोट गाउँपालिका–८ की बसन्ती बुढा र उहाँकी छोरीकोे मृत्यु भएको चंखेली गाउँपालिकाका अध्यक्ष प्यारीलाल शाहीले बताउनुभयो । 

हुम्लाको मेल्छामबाट सुर्खेततर्फ जाँदै गरेको कर्णाली प्रदेश ०२–००१ च १०९१ नम्बरको डबल क्याब जिप आज बिहान करिब ११ बजे दुर्घटना भएको हो । त्यहाँ रहेको प्रहरी चौकीका प्रहरी र सर्वसाधारण घटनास्थलमा पुगेर घाईतेको उद्धार गर्नु भएको थियो । जीप तीन सय मिटर तल खसेको थियो । दुर्घटना परेका तीन जना घाइतेहरुको नेपाली सेनाको हेलिकोप्टरमार्फत थप उपचारका लागि अहिले प्रादेशिक अस्पताल सुर्खेतमा उद्धार गरिएको छ ।

घाइते भएका सिमकोट गाउँपालिका–८ का महेन्द्र रोकाया, उहाँको छोरा र चंखेली गाउँपालिका–४ की पार्वती सिराको उद्धार गरिएको हो । अन्य घाइते भएकालाई हेलिकप्टर फेरी लिन आउने भएको छ भने मध्यम खालका घाइतेलाई जिल्लाअस्पतालमा ल्याउनको लागी सिमकोटबाट ऐम्बुलेन्स गएको जिल्लाप्रहरी कार्यालय हुम्लाका प्रहरी नायव उपरिक्षक शंखर पोखरेलले बताउनु भएको छ ।  

गाउँपालिका– ६ को मेल्छामबाट गाउँपालिका केन्द्र पिप्लाङ हुँदै सुर्खेत जाने क्रममा जीप दुर्घटनामा परेको थियो । चंखेलीका बहादुर लामाले चलाएको सो जिप सडकबाट अन्दाजी तीन सय मिटर तल खसेको छ ।