सिप नेपाल नामक संस्थाले कैलास माध्यमिक विद्यालयलाई साढे चार लाख को सहयोग

सिमकोट ।                हुम्ला जिल्ला सिमकोट गाउँपालिका–७ स्थित कैलास माध्यमिक विद्यालयलाई सिप नेपाल  नामक संस्थाले हुम्ला स्वास्थ्य तथा शिक्षा सहयोग परियोजना अन्तर्गत करिब चार लाख पचास हजार रुपैयाँ बराबरका शैक्षिक सामग्रीहरू सहयोग गरेको छ।

सिप नेपालका कार्यक्रम संयोजक कालिबहादुर भण्डारीका अनुसार, विद्यालयलाई सहयोगस्वरूप डेस्क बेन्च ३० जोडी, कुर्सी २० वटा, ह्वाइट बोर्ड १० वटा, टेबल ५ वटा, स्टिल दराज २ वटा र घुम्ने कुर्सी १ वटा हस्तान्तरण गरिएको बताउनु भएको छ ।

विद्यालय व्यवस्थापन समितिका सदस्य नेत्रबहादुर शाहीले संस्थाबाट प्राप्त सहयोगले विद्यालयलाई ठूलो राहत पुगेको बताउनु भयो ।
सामग्री हस्तान्तरण कार्यक्रममा मेजबहादुर बुढा, छबिलाल छत्याल, विद्यालयका शिक्षक–शिक्षिका, विद्यार्थी र स्थानीय बासिन्दाहरूको उपस्थिती रहेको थियो।