खार्पुनाथ गाउँपालिकामा रहेका सबै स्वास्थ्य संस्थाको अनुगमन

खार्पुनाथ गाउँपालिकामा रहेका स्वास्थ्य संस्थाको अनुगमन गरिएको छ । खार्पुनाथ गाउँपालिका स्वास्थ्य शाखाको आयोजनामा गाउँपालिकाभित्र रहेका पाँच वटै वडाका स्वास्थ्य संस्थाहरूको अनुगमन आईतबारबाट सुरु भएको हो । गाउँपालिका भित्र संचालनमा रहेका चारवटा स्वास्थ्यचौकी र नौ वटा स्वास्थ्य इकाइ मध्ये खार्पुनाथ गाउँपालिका १ लालीमा रहेका सबै स्वास्थ्य संस्थाको अनुगमन हिजो गरिएको र आज वडा नम्बर २ को थालीमा रहेको आधारभुत स्वास्थ्य सेवा केन्द्र, ३ को राया स्वास्थ्य चौकी र कारङगको सामुदायिक स्वास्थ्य इकाइको अनुगमन गरिएको खार्पुनाथ गाउँपालिकाका स्वास्थ्य शाखा प्रमुख हरिभक्त शाहीले जानकारी दिनु भएको । 

वडा १ मा रहेको लाली  स्वास्थ्य चौकीमा दरबन्दी अनुसार कर्मचारी नभएको स्वास्थ्य चौकीका प्रमुख धन बहादुर बोहराले बताउनु भएको छ र उत्तल स्वास्थ्य चौकीमा वेवी वार्मर नहुदा भर्खर जन्मेका शिशुलाई न्यानो गर्न समस्या भएको स्वास्थ्य चौकीम कार्यरत जुलफी शाहीले बताउनु भएको ।

गाउँपालिकाका उपाध्यक्ष ज्ञनबहादुर सिंहको नेतृत्वमा गएको टोलीले विगत एक वर्षमा स्वास्थ्य संस्थाले गरेका गतिविधि, सेवा प्रदानको अवस्था, सेवाग्राहीको अबस्था, चुनौती र समस्या सम्बन्धी विवरण संकलन गरिने काम भइरहेको स्वास्थ्य शाखा प्रमुख शाहीले बताउनुभयो । स्वास्थ्य शाखा प्रमुख शाहीका सबै स्वास्थ्य संस्थाको अधिकांस प्राप्त नतिजा सकारात्मक रहेको घेरबार र खानेपानीको समस्या भएके बताउनु भएको छ । 

अनुगमनका क्रममा समुदायबाट प्राप्त सुझाव, सल्लाह गुनासालाई समेत प्राथमिकताका साथ स्वास्थ्यकर्मीहरूसँग सोधपुछ गरिएको कार्यलयमा उपस्थित नभएका कर्मचारीको हाजिरीमा रातो चिन्हसमेत लगाइएको र अनुगमनमा देखिएका समस्या तथा चुनौतीहरु गाउँपालिका अध्यक्ष र प्रमुख प्रशासकीय अधिकृत सँग समन्वय गरी समाधानतर्फ लैजाने तयारी रहेको स्वास्थ्य शाखा प्रमुख शाहीले बताउनु भयो । आईतबारदेखि सुरु भएको अनुगमन भोली मंगलबारसम्म जारी रहने स्वास्थ्य शाखाले जनाएको छ । 

खार्पुनाथ गाउँपालिका भित्रका स्वास्थ्य संस्थाहरुको अनुगमन टोलीमा खार्पुनाथ गाउँपालिकाका उपाध्यक्ष ज्ञानबहादुरसिंह, प्रशासकीय अधिकृत दीपक शाही, स्वास्थ्य शाखा प्रमुख हरिभक्त शाही, खार्पुनाथ आधारभूत अस्पतालका अहेव जैमल शाही तथा संचारकर्मीहरूको सहभागिता रहेको छ।