एमाले हुम्लाको अनलाइन बैठक सम्पन्न

सिमकोट । आसन्न फागुन २१ गतेको निर्वाचनका प्रत्यक्ष निर्वाचन प्रर्णालीतर्फ उम्मेरदवार सिफारिस गर्नका लागि नेकपा (एमाले) जिल्ला कमिटि हुम्लाको अनलाइन बैठकको आयोजना गरेको छ । 

प्रत्यक्षतर्फ पार्टी केन्द्रले एक महिलासहित ३ जनाको नाम सिफारिस गर्न गरेको सर्कुलर अनुसार एमालेले जुम (अनलाइन) बैठकको आयोजना गरेको पार्टीका जिल्ला कमिटि सचिव तिर्थराज बोहराले जानकारी दिए । 

बैठकले प्रत्यक्षतर्फ आकाक्षीहरुका विषयमा जिल्ला कमिटिका सदस्य, जिल्लाबाट प्रतिनिधित्व गर्ने जनवर्गिय संगठनका सदस्य र प्रदेश कमिटीका सदस्यहरुको संयुक्त रुपमा राय बुझ्नका लागि बैठकको आयोजना गरिएको जिल्ला कमिटी अध्यक्ष ज्ञामी वुमीले बताए । 

अध्यक्ष वुमीका अनुसार पार्टी केन्द्रको सर्कुलर अनुशार यहि पुष २२ गते सम्म एक महिला र दुई पुरुष गरेर तिनजनाको नाम सिफारिस गर्न गरेको निर्देशन अनुसार आयोजना गरेको अनलाइन बैठक बोलाइएको हो । 

मौशममा आएको प्रतिकूलताका कारण भौतिक रुपमा बैठकको आयोजना गर्न नसकिने भएका कारण अनलाइन बैठकको आयोजना गरिएको एमाले हुम्लाले जनाएको छ । आजको बैठकको निर्णय अनुसार भोली एमाले हुम्लाले आगामी फागुन २१ गते हुने प्रतिनिधि सभा निर्वाचनका लागि एमालेको तर्फबाट प्रत्यक्ष उम्मेरदवारका रुपमा अघि सार्ने एमाले जिल्ला अध्यक्ष ज्ञामी वुमीले बताए । 

बैठकमा अधिकांस जिल्ला कमिटि सदस्यहरुले जिल्लाबाट सहमतीका आधारमा एकै जनाको नाम सिफारिस गर्नुपर्नेमा जोड दिएको एमाले जनाएको छ ।