नेकपा एमाले हुम्लाको जिल्ला कमिटी सचिवालयको पाँचौँ बैठक सम्पन्न ।।

 हुम्ला
नेकपा एमाले हुम्लाको  जिल्ला कमिटी सचिवालयको पाँचौँ बैठक सम्पन्न भएको छ । नेकपा (एमाले) हुम्ला जिल्ला कमिटी सचिवालयको पाँचौँ बैठक जिल्ला अध्यक्ष ज्ञामी बुमीको अध्यक्षतामा तथा पार्टीका जिल्ला इन्चार्ज एवं केन्द्रीय सदस्य दल रावलको प्रमुख आतिथ्यमा नेकपा एमालेको जिल्ला कमिटी सचिवालयको बैठक सम्पन्न भएको पाटी सचिव तिर्थराज बोहराले बताउनु भएको छ । 

आज बसेको पाटीको बैठकमा पार्टी केन्द्रको कार्यविभाजन तथा संगठन सुदृढीकरण लगायतका समसामयिक विषयमा छलफल गरिएको थियो । चौथो सचिवालय बैठकले मनोनित गरेका नाम्खाका निमा लामा, सिमकोटका चिन रावत, सर्केगाडका मकरध्वज शाही र अदानचुलीका जयराज सन्ज्याललाई प्रमाणपत्र वितरण तथा पद तथा गोपनियताको सपथ गराईएको छ । बैठकमा सचिवालय सदस्यहरू, अनुशासन आयोगका सदस्य लोकबहादुर हमाल, केन्द्रीय सल्लाहकार कमिटी सदस्य छक्कबहादुर लामा, उपाध्यक्ष  प्रकाश बहादुर शाही, सचिव तीर्थराज बोहरा, उपसचिव प्रदीप लामा लगायत पार्टीका नेता तथा कार्यकर्ताहरूको उल्लेखनीय उपस्थिति रहेको थियो ।

  बैठकले संगठनलाई थप सुदृढ र प्रभावकारी बनाउँदै पार्टीका आगामी कार्यक्रमहरूलाई सफलतापूर्वक कार्यान्वयन गर्ने प्रतिबद्धता सहित आफ्नो कार्यसूची सम्पन्न गरेको छ । पार्टीको सांगठनिक गतिविधि, आगामी कार्यदिशा र समसामयिक विषयमा छलफल गरिएकोे नेकपा एमाले हुम्लाले जनाएको छ ।

नेकपा हुम्लाका पार्टी सचिव तिर्थराज बोहराका अनुसार बैठकमा पार्टीको नयाँ रणनीति निर्माण, संगठन सुदृढीकरण, पार्टी सदस्यता नवीकरण लगायतका महत्वपूर्ण विषयमा छलफल हुने भएको छ । पछिल्लो राजनीतिक अवस्था, पार्टीको गतिविधि विस्तार तथा आगामी कार्यक्रमलाई प्रभावकारी बनाउने विषयमा समेत बैठक केन्द्रित रहेकोे उहाँले जानकारी दिनुभयो । सचिवालय बैठकबाट जिल्लाको वर्तमान राजनीतिक अवस्था, संगठनको अवस्था र आगामी रणनीतिबारे ठोस योजना निर्माण गरिने पार्टीले जनाएको छ । पार्टीका नेताहरूका अनुसार बैठकले हुम्लामा पार्टीको संगठनलाई थप सक्रिय बनाउने, स्थानीय तहमा जनमुखी कार्यक्रम सञ्चालन गर्ने र पार्टीका नीति तथा कार्यक्रमलाई प्रभावकारी रुपमा कार्यान्वयन गर्ने बताइएको छ ।