प्रतिनिधिसभामा हुम्लाबाट दुई दल र सौमतीको नाम सिफारिस 

सिमकोट । आसन्न फागुन २१ गतेको निर्वाचनका प्रत्यक्ष निर्वाचन प्रर्णालीतर्फ एमालेले तिनजनाको नाम सिफारिस गरेको छ । 

एकल रुपमा नाम सिफारिस गर्न पटक पटक बैठक र परामर्श गरेको एमाले जिल्ला कमिटि हुम्लाले अन्तत दल रावल, दल फडेरा र सौमती ऐडीको नाम सिफारिस गरेको हो ।

मंगलबार जिल्लाका सबै नेता तथा कार्यकर्ताहरुको भर्चुअल बैठक आयोजना गरेको एमालेले सहमती नजुटेपछि २०७९ सालको निर्वाचनमा प्रतिनिधिसभाको निर्वाचनमा एमालेबाट निर्वाचन लडेका दल रावल, प्रदेशसभा निर्वाचन १ बाट उम्मेरदवार बन्नु भएका दल फडेरा र महिलाबाट सौमती ऐडीको नाम सिफारिस गरेको छ । 

बुधबार सुर्खेतमा बसेको एमाले कर्णाली प्रदेश बैठकमा जिल्लाको तर्फबाट पार्टी अध्यक्ष ज्ञामी बुमीले पार्टी केन्द्रको निर्देशन अनुशार हुम्लाबाट दल रावल, दल फडेरा र सोमती ऐडीको नाम सिफारिस गर्नु भएकोजानकारी एमाले हुम्ला स्रोतले जनाएको छ । 

‘एकल रुपमा नाम सिफारिस गर्न आकांक्षी नेताहरुबाट सहमती नजुटेपछि केन्द्रीय सर्कुलर अनुशार दुई पुरुष र एक महिलाको नाम पठाउने प्रावधान अनुशार जिल्ला कमिटिले दल रावल, दल फडेरा र सौमती ऐडीको नाम सिफारिस गरिएको छ,’ सुर्खेतमा रहेका एमाले हुम्लाका अध्यक्ष ज्ञामी वुमीले भने ‘हामीले केन्द्रको सर्कुलर अनुसार सिफारिस गरेका छौं । अब केन्द्रले गर्ने निर्णइ अनुसार हामी अघि बढ्छौं ।’

पार्टीको केन्द्रीय सचिवालय बैठकले औपचारिक रुपमा पार्टी निर्वाचन केन्द्रीत रहेको उल्लेख गर्दै अध्यक्ष वुमीले जिल्लाकालसात वटै गाउँ कमिटी, ४४ वटै वडा कमिटिलाई निर्वाचन केन्द्रीत अभियानमा लाग्न आग्रह गरेका छन् ।  

आगमी फागुन २१ गतेको निर्वाचनमा समानुपातिकतर्फ गोरख बहादुर बोगटीलाई एकल सिफारिस गरेर पिछडिएको क्षेत्रतर्फ एकल सिफारिस गरेको एमालेले प्रत्यक्ष तर्फ पुर्व सामाजिक विकास मन्त्री रावल पुर्व अदानचुली गाउँपालिका अध्यक्ष फडेरा र उपाध्यक्ष ऐडीलाई सिफारिस  गरेको हो ।