सर्केगाड ६ बराईको एक घरमा आगलागी हुँदा धनमालको क्षेती

सिमकोट 

हुम्लाको मध्य क्षेत्रमा रहेको सर्केगाड गाउँपालिका वडा नम्बर ६ बराईको एक घरमा आगलागी भएकोे छ । घरमा आगलागी हुँदा भौतिक सामग्रीको क्षेती भएको छ । 
सर्केगाड गाउँपालिका–६ बराईका स्थानीय रुपबहादुर बुढाथोकी र विष्णु बुढाथोकीको घरमा आगलागी भएको सर्केगाड प्रहरीचौकीलाई उद्धत गर्दै जिल्ला प्रहरी कार्यालय हुम्लाको स्रोतले जनाएको छ ।

शुक्रबार विहान साढे ११ वजेको समयमा ढुङगा, माटो र काठले बनेको ४ तले १० कोठा भएको कच्चि घरमा सोही ठाउँका बक्त बुढाथोकीका छोरा ५ वर्षीय बालक समिर बुढाथोकीले उक्त घरको  छतमा लाइटर खेलाउने क्रममा सोही घरको छतमा रहेको खरको थुप्रोमा आगलागी हुँदा २ तला माथिको ४ कोठा आगलागीबाट क्षेती भएको प्रहरीले जनाएको छ ।

आगलागीबाट घर भित्र रहेको ६ थान लिउ, ५ थान फेरुवा, खाने कोदो, धान समेत जलेर नष्ठ भएको खवर प्राप्त भएको छ । आगलागीबाट मानवीयसंगै चौपायमा भने कुनै क्षती नभएको र केही समयमा आगो स्थानिय व्यक्तिहरूद्धारा पुर्ण रुपमा नियन्त्रणमा लिएको खवरमा उल्लेख गरिएको छ ।
घटनाको प्रहरी मुचुल्का शनिबार भोलि विहान मात्रै गर्ने भएको् र क्षेतीको पर्याप्त विवरण पनि सोही दिन आउने जिल्ला प्रहरी कार्यालय हुम्लाका प्रहरी नायव उपरिक्षक शंखर खड्काले जानकारी दिनुभयो ।