हुम्लामा ४ बजेसम्म १९ हजार ९ सय ५४ मत खस्यो

सिमकोट 

हिमाली जिल्ला हुम्लामा प्रतिनिधिसभा निर्वाचन अन्तर्गत मतदान उत्साहजनक रूपमा भइरहेको छ । बिहान ७ बजेदेखि जिल्लाभर एकैसाथ सुरु भएको मतदानमा दिउँसो अपरान्ह ४ बजेसम्म १९ हजार ९ सय ५४ मत खसेको मुख्य निर्वाचन कार्यालय अधिकृत निलकण्ठ बरालले जानकारी दिनुभएको छ ।

हुम्लाका केही मतदान स्थानमा सामान्य विवाद भएपनि विवादले ठुलो रुप नलिई मतदान कार्य सञ्चालन भैरहेको अधिकुत बरालले जानकारी दिनुभएको छ । जिल्लाका केही मतदान केन्द्रमा भने एक जना व्यक्तिले ३—४ चोटी मतदान गरेको एक रिपोटको अध्ययनले देखाएको छ भने बालबालिकाले पनि मतदान गरेको देखिएको छ ।

कुल ३४ हजार ३७२ मतदाता रहेको हुम्लामा आधा भन्दा बढी मतदाता अपरान्ह ४ बजेसम्म मतदान गरिसकेका छन भने बेलुकी ५ बजेसम्म मतदान कार्य सम्पन्न हुने बरालले जानकारी दिनुभएको छ । उनका अनुसार जिल्लाभरका सबै मतदान केन्द्रमा शान्तिपूर्ण रूपमा मतदान जारी रहेको छ ।