निर्वाचन खर्च विवरण बुझाउन निर्वाचन कार्यालयको आग्रह

सिमकोट

जिल्ला निर्वाचन कार्यालय हुम्लाले प्रतिनिधिसभा सदस्य निर्वाचनमा उम्मेदवारी दिएका सबै उम्मेदवारलाई निर्वाचन खर्च विवरण पेश गर्न आग्रह गरेको छ । यही फागुन २१ गते सम्पन्न प्रतिनिधिसभा सदस्य निर्वाचनमा उम्मेदवारी दिएका सबै उम्मेदवारहरूलाई आफ्नो निर्वाचन खर्च विवरण सार्वजनिक गरी कार्यालयमा पेश गर्न आग्रह गरिएको हो ।

जिल्ला निवार्चन कार्यालय हुम्लाले मंगलबार एक सुचना प्रकाशित गरेर जिल्लाका सात वटा राजनितिक दलहरुलाई निर्वाचन खर्च विवरण बुझाउन भनी पत्रचार गरेको निर्वाचन कार्यालय हुम्लाका निर्वाचन अधिकारी भिम बहादुर रोकायाले जानकारी दिनुभएको छ । पहिलो हुने निर्वाचित हुने निर्वाचन प्रणाली अन्तर्गत एकमात्र निर्वाचन क्षेत्र रहेको हुम्लामा उम्मेदवारी दिएका सबै उम्मेदवारले प्रतिनिधिसभा सदस्य निर्वाचन ऐन २०७४ को दफा ७२ को उपदफा (४) बमोजिम निर्वाचन खर्च विवरण पेश गर्नुपर्ने जिल्ला निर्वाचन कार्यालयले हुम्लाले जनाएको छ ।

आयोगद्धारा स्वीकृत खर्चको विवरण सार्वजनिक वडा कार्यालय, गाउँपालिकाको कार्यालयको सुचना पाटीमा वा सार्वजनिक स्थलमा टाँस गरेर वा उम्मेदवारको आफ्नो फेसबुकमा सार्वजनिक गरेको फोटो वा स्क्रिनसट समेत प्रिन्ट गरी जिल्ला निर्वाचन कार्यालयमा अनुसुची ४१ बमोजिम निर्वाचन खर्च विवरण पेस गर्न आग्रह गरिएको निर्वाचन अधिकारी रोकायाले जानकारी दिनुभएको छ । 

 जिल्ला निर्वाचन कार्यालयका  अधिकारी भिम बहादुर रोकाया अनुसार उम्मेदवारहरूले तोकिएको व्यवस्था अनुसार निर्वाचन खर्च सार्वजनिक गरी विवरण कार्यालयमा बुझाउनुपर्ने छ । अन्तिम मत परिणाम सार्वजनिक भएको ३५ दिनभित्र उम्मेदवारले आफ्नो खर्च विवरण निर्वाचनमा आयोगमा बुझाउनुपर्ने  अधिकारी रोकायाले बताउनु भएको छ हुम्लामा ७जना उम्मेदवार रहेका थिए ।